Easter in Europe Paris 2015 day 1 聖心教堂，艾菲爾鐵塔

3月31日晚，好期待的日子，因為等左咁耐終於有得去歐洲了！！趁妹妮放復活節假，我地一家去遊歐洲，第一站係巴黎。將會留5日4夜，正！！

妹妮第一次去歐洲，而家佢7 歲已經好行得，而且睇完d建築物／博物館都會明白，於是一於去歐遊下

4月1日早上6:30 已經到巴黎了！！呢程機飛左十一個鐘，原來仲近過去美國呀！以後可以再黎噃！

因為太早到，apartment都未有得check in 所以我地留係機場飲杯咖啡食下早餐，早知應該出左市先慢慢食啦

最近流傳好多人對中國人打主意，本來可搭火車出城，但係都係搭的士安全d。我地由機場出到凱旋門加有小小塞車大約用左58歐。

去到apartment drop低行李我地就出去行下先，呼吸下法國既空氣！妹妮第一次到歐洲，佢見到呢度d建築物同美國，日本，台灣又好唔同，問佢邊度最靚？妹妮就話法國最靚。

4月初天氣仍然有d冷，其實約10 度左右，係清涼既感覺。

我地間apartment係凱旋門附近，一落樓下就見到凱旋門，樓下就係地鐵站，好方便呀！

香射利大道Champs Elysees

其實而家先係10點零鐘咋，求先搭的士時經過有個街市，決定係apartment 附近逛下先

呢座唔知咩來頭但係幾古老咁我地又影一餐相

行過見到Hippo餐廳 記得上次（都成5年前）食過好味，於是決定呢日要去食晏

不過去左街市先！

街市都幾多野賣架！

有海鮮，早知應該買番打蠔食下先啦

法國買雞同香港一樣有雞頭架，美加d雞都無晒頭好唔同，其實歐洲人都幾似中國人，又食內臟，又瞓晏覺

行左一輪我地買左兜龍蝦湯返屋企，第朝做早餐，真係好味架！

行左一陣我地去左Hippo食晏，今晚會去鐵塔。我地超好彩，本來鐵塔門票一直都係賣晒，但係出發前幾日再上網睇下居然有4月1日 7:30pm。我地上次都無上鐵塔，但係今次同妹妮黎都想上去睇下。我同妹妮講呢晚要上鐵塔，但係要爬上去架！妹妮聽到後話驚會跌落黎，我話要扶實慢慢爬就唔會跌啦！妹妮真係好單純，我地講咩都信。

後來返apartment nap一陣時佢突然話： 媽me我好擔心呀  

我問： 有咩咁擔心呀？

妹妮： 好驚今晚去爬鐵塔會跌落黎呀

為左令佢安心午睡，唯有話佢知我地整蠱佢咋！但係真係好好笑！！

以前黎印象中塊扒好好味，我地當年仲encore左一次，但係呢次塊扒麻麻地，有肉味但係幾靭，有d失望呀

食完晏先1點，我地nap完再出發。因為買左2 days museum pass，所以呢日去左d免費既地方觀光。之前成日有人講而家歐洲治安好差，我地都有d擔心，但係住左幾日一d都無問題，好安全噃 

我地係Charles de Gaulle - Etoile站真係超方便，去邊都好似好近咁。上次黎住第9區係Opera附近已經好方便，但而家覺得凱旋門更正。

第一站去左Montmarte 既聖心教堂先，呢日唔係假期但一出站都人山人海咁！

整條街都賣遊客野

記得當年聖心教堂好白淨，唔知係咪果時啱啱翻新過呢？今次見到好灰濛濛的，雖然影相見到都幾白

去到歐洲好似任何地方都可以影到一大餐，點影都咁靚。平時好喜歡去美國，因為好似返屋企一樣，去到就算行下walmart, target都好滿足。去歐洲就有另一番感覺，地方多好多歷史，建築物驚艷得多，斎睇都好滿足！

淨係門口已經影一大餐，上去喇！

妹妮仲係入面祈禱添，佢話想唱首歌比天主聽。。。點知唔記得歌詞喎，於是哼左首歌算了-__-

其實Montmarte區都有好多野可以睇，但係我地次次都係呢度附近行下就算。呢區有好多畫家即席幫人畫人象畫，我地就無幫襯了，睇下算了

聖心教堂後面就有個小市集賣畫同畫人象畫了

呢d甫士應該無人想畫 -_-"

大教堂都算幾宏偉架

法式甜品通常都偏甜，但係真係好鬼靚，附近都好多賣crepe既餐廳，所以想食crepe多d

點知妹妮想食雪糕

離開前又再影下相

難得呢日天氣好好，又開始暖返

妹妮見到遊樂場都要玩一份

初初以為呢個好似好舊既木馬係荒廢左，原來玩得架！盛惠2歐

但係d顏色點都好似同香港果d唔同，零捨retro d! 

本來想去下紅磨坊，但係就唔順路，於是搭車去鐵塔了，呢日買左飛上鐵塔架

一落車離遠已經見到鐵塔了！

到喇！

當然又係博命影相啦！！巴黎鐵塔係巴黎既標記，話說當年起既時候巴黎人唔係好睇得順眼，但係咁多年前己經可以起到個咁既塔，我又覺得好犀利呀

經過鐵塔我地越行越遠，咁樣個塔細d可以入晒鏡嘛！

而且一大片草地好爽呢！

睇下妹妮個口有幾大？

都係'掟'住佢好d 

初初以為4月巴歐洲應該5,6點就天黑，點知已經6點幾仲好光猛

因為唯一有票時段係7:30, 我地唯有去鐵塔下低逛下等夠鐘啦

去到塔底突然開始大風，吹到頭都暈，於是買d熱飲，美食保下暖

我地今次只係買到上二樓既門票，上塔頂的一早售罄了。呢日真係排晒隊等入場架

原來有d係行樓梯門票，但係咁高仲要行條通窿既樓梯，除左攰之外有小小畏高都唔得呀。妹妮見到鐵塔有樓梯就話： 媽me都呃人既，係入面行唔係外面行架！原來佢仲諗住爬鐵塔件事，哈哈 

我地買到係電梯門票，慳返不小腳骨力。等𨋢中

上到二樓，已經好高了，基本上已經高過晒巴黎既樓，而且望到晒我地剛剛影相既草地

而家真係爬鐵塔喇！

妹妮係要比2歐睇望遠鏡，不過又真係望到好遠架！睇佢個樣就知幾興奮

我地初初以為7:30會上黎睇到夜影，點知等到8點都仲未黃昏呀！！决定唔等了，因為仲未去晚餐，而且今朝先落機都想早d抖下，於是去附近搵間餐廳食d野就返屋企了

離開時妹妮已經嗌攰了，晚飯後沖沖回家覺豬了