Slide the city 香港站

期待已久既Slide the city終於在港舉行！！以前見人地外國果d覺得好好玩，今次係香港舉行一於參加！

我地早幾個月已經買飛，但係已經唔係Early Bird，仲要任玩飛一早買晒，只買到玩3次。呢次只係香港搞3日，我地買左中間果日，第一日係FB見到好多抱怨大會安排不當要排隊3個鐘才可瀡到一次，我地日場門票係10am-5pm但可逗留到10pm。本來打算4pm先去可以玩晏d，但睇完FB之後決定一早去唔駛排咁耐！

我地11點集合，去到見到好多精品來本正價但係呢日半價以下！我買左浮床，T shirt，cap帽。。。大家買完野再寄存行李已經12:45了！！！！開始多人了！

嗱嗱聲去排隊！本來一早想帶埋妹妮，但要求夠8歲及要高過117cm，妹妮一早高過要求了但未夠歲，怕買左飛後唔比入場。點知現場都見唔小睇落都唔夠歲又細粒既細路！ 

因為無帶太陽眼鏡，見到呢頂帽由＄199減到＄30，即刻買黎擋晒！

雖然天氣炎熱，但一路排隊兩旁都有攤位買野，或者玩，所以都唔算辛苦，我地就不停影相

不經不覺都排左成個鐘先滑到第一次

行左上大概3層樓高既平台，就係呢度瀡落去喇！！！臨玩前又梗係要影下相啦！

如果扒係度都瀡得幾快架，而且都幾長程，好刺激架！！雖然見要排成個鐘，但大家都話要再玩多次！！

呢度仲有冰凍西瓜買！

食住排不經不覺玩晒3次了！！

呢次係最後一次，終於拍到片了！！原來大會攝影師有影相，但係我地錯過左無去睇相！

最後只買到呢幅合照，如果下年香港再搞一定同妹妮一齊去呀！