十。一 。。。 十一

又到十月了，每年都又期待又唔想咁快到十月，因為又老一年了。今年我地結婚十一週年了，又係老地方去Morton's 晚飯。。。有邊度又可以据扒又可以睇煙花又唔會因煙花加價？加上妹妮好鐘意呢度個洋蔥包，所以目標明確。

因為妹妮10月9日便考琴了，呢日雖然假期但係都要上鋼琴課，夜晚至有得出街呀！煙花9點放，7點幾條街已經封路無車行了

個傻妹就係度左轉轉右轉轉跳舞 -___-"

呢日帶左部大機，可能太重妹妮揸機都唔穩

入到酒店佢見到樓梯就話要去影相，叫佢走埋去就即刻擺個回眸pose，真係攞膽！

一埋位就係呢張signature menu

坐低已幾成8點了，平時佢6點食飯而家已經好餓了

飲杯mocktail 先

因為帶左大機，又未摸熟架機，媽me同妹妮比爸B試機，無帶閃燈，較極都有點暗

cheers！！終於有得同爸B媽me飲勝了

我地至愛！

食完沙律食下包已經開始放煙花了，靜心欣賞才据扒

餐廳內客人都好專心睇煙花呀

妹妮都不例外，不過一邊睇一邊叫囉

煙花完了，終於開餐了

點知一開餐妹妮就眼瞓了，平時都係8點半左右便上床9點前瞓著，呢晚9點至有的食難怪眼瞓。我地唯有快快食完啦，仲有甜品架

妹妮揸手機就定好多了

因為第朝妹妮要返學，所以都盡量快食埋甜品。

點知到甜品時間佢醒番晒，仲要加單添！

返到屋企，yaya同妹妮為我地準備左鮮花同賀卡！雖然每年都收到但係仍然好多謝佢地倆個咁有心

話咁快又十一年了！其實希望可以去個旅行慶祝，但十月又唔會有假放所以都難成事，唯有寄望妹妮大個d先啦！