年初二睇煙花

年初二成大半日都留在家攤抖，一早起身妹妮已退燒了！　中午選擇繼續休息叫

ＣＰＫ外賣。

之後又瞓到天昏地暗，皆因妹妮雖然退燒但藥力迫人，爸Ｂ同咪me 剩機瞓埋一份，三點幾一家人先正式起床！

妹妮今日著起Wendy EE送的新年禮物，好cute呀！！成隻大兔一樣！

突然雙眼通紅，原來要‘唔唔’，諗住病病無胃口會無‘唔唔’所以今朝無同妹妮去坐下厠所。

好嘢，經過整日休息，妹妮似孚好返好多，因為她又開始不停口說話！blah blah blah的講她的ＢＢ話，又開始走來走去，証明她好返了！於是我們可以按原定計劃出席合家遊船河，睇煙花了，yeah!!!

５點半去到碼頭，好多人，上船都要人流管制。今次船河陣容頂盛，有咪me家人，爸Ｂ家人，又有Simon細姑長家人＋Diana大姑媽的朋友。

妹妮收利是總會識做的比個big smile!

齊人可以上船了，臨上船前同差人叔叔打招呼。

從海上望去尖東的景色，其實都幾靚。

上到船無耐就開餐，不過爸Ｂ有點暈船浪無胃口食，等咪me食埋你個份啦！

趁未放煙花妹妮同爸Ｂ又瞓過。

食飽晒才７點，仲有成個鐘先放煙花。大伯抱妹妮同朋友say hi，妹妮熱情的又touch，又飛吻。

重頭戲來啦，放煙花喇！！即刻抱埋妹妮出夾板睇，妹妮不知是和應還是真心的‘嘩嘩’聲，可能真係覺得煙花靚？

爸Ｂ仍然無呢神氣。

咪me繼續瘋狂影相

大姑媽＋妹妮，背後有煙花background架。

嫲嫲，Diana大姑媽／姑長，爸Ｂ＋妹妮，Michael大伯

咪me，Emily EE & 舅父德

大班人在船頭欣賞煙花，公公睇得入神。

最後我們都見到躉船著火，霧出黑煙。煙花後我們便立即掉頭上岸，因太多船關係，上岸都要排隊。一個鐘後才駛到九龍城碼頭上岸，如果今次妹妮，爸Ｂ無病應該會更好玩，起碼大家都精神Ｄ嘛！不過聯合家庭的活動我覺得都不錯呀。

祝身體健康

大年初一，恭喜發財，新年進步！

今朝妹妮唔舒服，有小小燒，唯有晨早十點去睇醫生，真係多年來第一次初一去醫院，不過百無禁忌無有怕。今次都係感冒未清，可能有小小腸罥不適＋38.5度微燒。其實爸Ｂ同咪me都有感冒，我同爸Ｂ星期六更加已睇定醫生了，而且都有戴口罩，照計不是傳染吧？

護士替她塞胱後會快些退燒，不過妹妮仍然要飲６支藥水，慘！其實藥水都是甜的，不過可能妹妮見餵藥水的針筒就驚驚，每次都是喊住飲的

於是整大個上／下午都在家休息，等到成４點幾才出發去第一站的嫲嫲家。去之前咪me才醒起昨晚無比妹妮壓歲錢，今朝又因為忙於同爸Ｂ一起照顧妹妮而忘記派利是，於是急忙補返利是比妹妮

妹妮今日著新衫去拜年，話晒‘懂性’後第一次拜年噃！加上新年嘛，當然要著新衫衫啦！去到嫲嫲家都幾精神，仲會玩。

同姑姐姑長拜年，恭喜發財利是逗來！

手袋仔塞滿利是笑呵呵！

第二站去到公公家，開頭仍可以玩，但好快開始扭計，成日要爸Ｂ抱抱。爸Ｂ咪me唯有極朿扒幾啖飯便趕住返歸，諗住安置好妹妮再去朋友家拜年。不過最後由爸Ｂ做代表，咪me都係留在家觀察妹妮好了。希望妹妮明天一早起床就精神奕奕！我的新年願望很簡單，希望妹妮及一家人身體健康，無病無痛！

大豐收

每次咪me的妹妹Emily EE出差妹妮都有大豐收的，今次EE去了L.A.，當然又小不了妹妮那份大手信啦！！

今次買的多數是３歲size，因為而家妹妮多數著２歲碼，而且已經有很多。再買２歲出年一定唔啱著，所以有部份都是留返出年著的。其中那件janie & jack冷衫，有個靚靚gift box。大鄕里咪me雖然訂過好幾次J&J的童裝，但無一次會order gift wrap，個盒咁靚，真係唔捨得掉呀

連咪me都有收獲，不過咪me這些是tag on order，所以要自附（＄）的。不過美式休閒服是咪me假期至愛！

Emily EE你幾時再出差呀？妹妮好期待呀哈哈！！

玩轉遊樂場

今日棵桃花已經開了很多，其實仲有好多冧未開，不過睇落好似開得太勁，希望開到新年啦。

下午帶妹妮去Elements上面個公園玩一陣，因為爸Ｂ咪me今晚撇低她去睇戲食飯啊。一到商場爸Ｂ見有大減價就入去逛下，當然慳家爸Ｂ係空手而回啦。

爸Ｂ咪me 好鐘意食burger架，見這家好似幾靚就試下啦，不過味道一般，無牛味，薯條反而好好味。

妹妮一的都不揀食，比什麼就食什麼，她似孚好鐘意薯條。不過只給她嘗味一下，不會上癮的，始終是junk food嘛。

妹妮一去到遊樂場就周圍走，好似自己屋企一樣。

今日好大風，好小小朋友，無得同其他小朋友玩唯有同爸Ｂ玩啦，滑梯好好玩呀！

咪me同我玩多次！

因為太大風，玩了半個鐘就走人。但返落商場都好攰了，同商場佈置影幾張相就返歸去。

最愛仍是你

簡直好似情路一樣於迴曲拆，當你試過不同的，還是覺得現在的不及以前那個好。別誤會啊，不是講緊我老公啊！是講自己用電話哦。自從去年老公買了個iphone　2G比我，便覺得它是世上最好用的電話，但因之前又話出３Ｇ會平，等我仲即時見好價賣掉它。之後用過幾個頂住檔的陳年舊機，又買過３叉幾的Nokia E66，又用執過老公二灘用Sony X1。用過最簡單的打出打入齊機，用過Symbian又用過Windows Mobile，都係覺得Iphone最好用。幾經爭扎，前日終於在apple store按了BUY制。

好心急，幾耐先到呢？付款後才知要兩日後才能送到等到頸都長！！！今日終於到了　ＹＥＡＨ！！！！！！

收機後即時走去先達為它裝身，貼保護膜＋機殼套。

趁今日得閒，下午約大姑拉Diana去花墟買花。今年買了一棵大桃花，而且很多花冧都是＄２８０，抵！往年買的都是小棵的，但今年見小棵的都無花冧，寧願買棵大的保証有花開了。

眼利的妹妮在樓下playroom玩完返家，入屋時第一眼就見到棵桃花，然後就望住它花不停叫‘花...花’。

當然仲要touch下花花啦！