祝身體健康

大年初一，恭喜發財，新年進步！

今朝妹妮唔舒服，有小小燒，唯有晨早十點去睇醫生，真係多年來第一次初一去醫院，不過百無禁忌無有怕。今次都係感冒未清，可能有小小腸罥不適＋38.5度微燒。其實爸Ｂ同咪me都有感冒，我同爸Ｂ星期六更加已睇定醫生了，而且都有戴口罩，照計不是傳染吧？

護士替她塞胱後會快些退燒，不過妹妮仍然要飲６支藥水，慘！其實藥水都是甜的，不過可能妹妮見餵藥水的針筒就驚驚，每次都是喊住飲的

於是整大個上／下午都在家休息，等到成４點幾才出發去第一站的嫲嫲家。去之前咪me才醒起昨晚無比妹妮壓歲錢，今朝又因為忙於同爸Ｂ一起照顧妹妮而忘記派利是，於是急忙補返利是比妹妮

妹妮今日著新衫去拜年，話晒‘懂性’後第一次拜年噃！加上新年嘛，當然要著新衫衫啦！去到嫲嫲家都幾精神，仲會玩。

同姑姐姑長拜年，恭喜發財利是逗來！

手袋仔塞滿利是笑呵呵！

第二站去到公公家，開頭仍可以玩，但好快開始扭計，成日要爸Ｂ抱抱。爸Ｂ咪me唯有極朿扒幾啖飯便趕住返歸，諗住安置好妹妮再去朋友家拜年。不過最後由爸Ｂ做代表，咪me都係留在家觀察妹妮好了。希望妹妮明天一早起床就精神奕奕！我的新年願望很簡單，希望妹妮及一家人身體健康，無病無痛！