12月27日，話咁快就第7日了，好快就要返香港，真係好唔想假期咁快完呀! 住左成個星期，呢日要搬屋了。本來可以全程住同一間屋，但係訂房時只係諗左一個下晝，扑搥决定訂一刻居然比人book左尾果5日！！！有無咁多人爭呀？真係差幾個鐘頭就無，於是唯有照book頭果一個星期，尾5日搵另一度住，當試下唔同野啦。妹妮好唔捨得第一間屋呀，佢當左係自己屋企一樣，成日話想返去住。其實第二間都唔係好差，不過住完第一間咁靚既環境就覺得第二間up dup 左d囉。呢間個設計好retro，特別係呢個拱門
屋主都係鬼佬，但係唔知點解會有呢d日，火，土掛係牆呢？其實呢間屋開晒𥦬簾都好光猛，因為3邊都有大𥦬口架！
呢間係妹妮，媽me同EE間房，因為呢度得3張床，所以我地幾個女的一齊瞓。EE都話鐘意同妹妮瞓，因為每晚都係妹妮瞓先，到EE上床時，本來好凍，但係有妹妮成個暖爐咁發熱，張床暖晒好舒服！我地叫妹妮以後瞓暖晒張床先叫我地上床啦，妹妮話咁一齊浸溫泉啦！因為出汗出到張床變左溫泉 ：O
呢個廚房d架生比上一間齊存，居然有埋飯煲潻呀，但係屋主就無上間咁細心買定晒麵包，果汁，牛奶，cereal 比我地做早餐，基本上淨係得間屋。
妹妮黎旅行前已經做晒學校功課，但係我地都帶左小小練習比佢做下，雖然都真係無咩時間得閒去做
隻聖誕襪一早訂左，但係寄左去EE朋友屋企，要尋日boxing day先攞番
搬左成朝屋，已經好攰了，因為要執晒d喼又要load過晒上車。雖然可以試住唔同既屋，但係下次都係唔搬好過呀！settle 好後我地又約左EE朋友食晏，妹妮就好期待，因為又可以見到新朋友仔Audrey喇
妹妮一身都係尋日去outlet時買架，我特別鐘意佢副黑超呀。係outlet買野真係平好多呀！
呢日我地約好去warehouse掃貨，首先去左食晏先，妹妮見到Audrey 好開心呀
兩個糖黐豆一樣
午飯後，朋友提議去飲波霸奶茶，呢間好出名喎，又真係噃，weekday 兩點幾居然要排隊買，仲唔只亞洲人，仲有好多鬼佬黎買。初初以為係去糖水鋪咁，原來呢間係express shop，即係好似貢茶咁買完拎走既，只不過呢度地方大d，裝修靚d
好彩一邊等都有長椅比你坐，唔駛企足全程
哈哈，覺得妹妮戴副黑超上眼鏡面，其實都唔係好怪啫，咁又睇到野又有太陽鏡效果
好彩佢地有伴無咁悶，我地不經不覺等左成45分鐘呀！！
但係成間鋪d人都好似好樂意咁等，講真如果早知係買走飲仲要等咁耐，我真係唔係好願咁嘥時間去等囉！
排隊期間，見到篇報導，原來呢間伴伴堂係LA好出名，仲有幾間分店。。。我即時諗唔知係度開間貢茶有無得做呢？
差唔多到我地，好彩呢日有咁多伴，等都等得無咁悶！
等得耐，公公同朋友索性出去行下好過，妹妮同左妹妹Zoe玩
奶茶終於到手喇！！！伴伴堂出名係d珍珠用黑糖做，同埋夠Q夠煙靭，而且食落有陣黑糖味
妹妮似孚好鐘意呀！
連公公都好鐘意飲噃！媽me就叫左桂花鳥龍仙草茶，因為係新產品所以試下囉。味道就比佢地既黑糖珍珠清淡好多，其實都各有各好味既
跟住係呢日重頭戲，就係去Costco掃貨！
呢度d野真係好好好平！！！！好多野都係BULK SIZE，好似香港size既幾倍咁大，但價錢同香港細庄一樣！
呢個時候最好就係掉晒三件上車！！我地分頭掃貨，呢日滿載而歸呀！我地一家人買左成千蚊美金野呀！！其實仲未買夠架，係怕個喼過重唔敢買咋！
因為搬過屋，我地發現d行李都係擺係廳最方便，走既時候唔駛搬餐屎，於是d 行李一於就掉晒係廳算了。搞到咁亂，都無心機再影下間屋了
