聖誕遊LA day 5 & 6 Movie + Outlet

Merry Christmas!!! 12月25日 Christmas day, 一起身已經有兩份禮物擺係聖誕樹下了！！其實係前日去target時靜靜雞買的，妹妮唔知架！因為妹妮之前成日話鐘意Sofia the first，係個8歲既小公主咁話噃，EE就揀左呢隻比佢。另外一隻純綷係因為媽me見到覺得幾靚。。。睇真d原來係d反叛系列，即係唔信公主同王子會live happily ever after果種，我買果隻哪Apple white，話係Snow white個女咁話

妹妮見到有禮物超級開心呀！！雖然佢都半信半疑聖誕老人既存在，但係有禮物收就好開心

聖誕正日，梗係帶番個聖誕頭篩應下景啦！

叫妹妮揀一隻拆黎玩啦，佢諗左好耐終於決定拆Sofia, 佢話有唔係好鐘意Apple white d 手腳有join咁話。。。決定淨係要Sophia，一隻夠了喎。

EE送隻Sofia, 妹妮好鐘意呀，公仔不離手一直抱住，梗係要錫番啖啦。

呢日又跟公公去同朋友飲茶，黎到LA飲茶次數仲多過係HK，但係公公慣左日日飲茶，唔去飲下茶佢就身痕。

妹妮本身都好鐘意飲茶，自己一個都食到成籠蝦餃

仲餵埋Sofia 食潻！

呢日有龍蝦依麵，＄7.99好抵食呀！

Sofia放左入背包入面，雙手攝左入拉鍊繩頭好安全唔會跌架！

上網搵下呢日有邊好去，但係聖誕正日好多地方都關門，早知留番呢日去theme park啦！

去超級市場睇下今晚食乜餸先。

EE話買大蜆，好平呀，＄4.xx/磅。妹妮貧得意梗係要幫手夾啦

返屋企放低公公，有屋既好處就係唔一齊出街都可以有成間屋同花園你hea，唔駛淨係屈係間房入面咁焗蓄。我地鄰居成個農場一樣，有馬係花園潻架！

我地幾個出街逛下，諗住去old town pasadena行下，果度係我地以前成日逛既熱點之一呀。但呢日市面好靜，連車都小左。我都唔記得以前聖誕節係點過了

呢d美國既街道，兩旁種晒大樹。。。真係好鐘意呀

去到old town 直情拍烏蠅，連餐廳都可以關門！！乜以前聖誕好似初一咁架咩？想食cheesecake factory 都無緣呀 ：（

係車上䮯下䮯下妹妮都瞓著了，但手上不離Sofia架

鬼佬野收晒，連百貨都收埋，唯有去食下台灣野啦！

LA d 台灣野都幾好食，好食過香港果d好多！！仲飲埋波霸奶茶（呢度唔叫珍珠叫波霸）

問妹妮做咩扭晒身咁擺甫士架 ？佢話我見Miss Lam屋企d 相都係咁既 -_-"

（因為小提琴老師屋企個電子相架show左好多婚紗照都係露背裝，咪咁影囉，比佢吹漲！）

食完tea之後，媽me同妹妮去左睇FROZEN，呢套戲係香港見到preview時都想睇了，居然呢日有時間可以去睇戲，正！呢度睇戲唔駛畫位，有飛就得，所以有電腦售票機好方便買到飛，好彩入到場仲搵到唔係太前既位啫！太耐無係美國睇戲，唔知而家係咪間間戲院都咁大張櫈呢？係香港，我試過係明珠戲院坐過咁大張櫈咋，因為都好耐無入戲院了。呢度＄11張飛，小童＄8，就坐到飛機櫈，仲可以調校到瞓低咁滯！正呀！！

套戲好好睇呀！！d 歌又好聽，妹妮同我都好鐘意呀，妹妮仲話係最好睇既公主故事潻。其實買Sofia之前都有好多Frozen 產品，但見有兩個公主，都唔知邊隻打邊隻，不過妹妮當時已知道兩個公主係兩姊妹，真係唔知佢係邊收到風呢？？

呢日雖然無咩做過，但係套戲真係成日既 highlight！

返到屋企都差唔多有飯食了！！今日聖誕節梗係豐富d啦！

多得公公同EE雙劍合壁

飯後唔知點解妹妮將自己d野執得咁整齊呢？

襯聖誕節係聖誕樹下影下相，希望大家都有個快樂聖誕

****************

話咁快已經第6日了，Boxing day

新屎坑同Sofia型影不離

已經將帶黎既Barney同Falin 掉開了！手執Sofia已經心滿意足

呢日係boxing day, 度度都開始after Christmas sale，我地呢日無去mall，反而去outlet，希望買到野啦！drive thur食 In N Out Burger, 呢間burger好食過老麥萬倍！

每次番黎例必幫襯

妹妮飲牛奶，個樽係In N Out自家品牌噃

我地第一日就買左個carseat比妹妮坐，好抵玩架，＄50 有找！打算用完擺去表姐處下次再用

呢日同埋EE兩個朋友一齊去outlet，佢地都係香港飛黎玩架！

呢日有小小塞車，我地成12 點幾先到呀，呢個係Desert Hills Premium Outlet，好多正鋪架！希望買到野啦

可能係假期又可能係boxing day，呢日好多人呀！！！想租架手推車比妹妮坐都無車出租，唯有要佢一齊行啦

周圍都好多人，Tory Burch，Juicy都要排長隊，好似廣東道一樣呀！！不過唔係全部都強國人，咩人都有！一早已經想買UGG比妹妮，呢度有好多童裝款呀！妹妮最後揀左款有銀色蝴蝶print既，呢！就係佢手上果對，雖然老套d，但係佢鐘意就算啦。

我自己就最鐘意後面有bow果對嘞！除左妹妮，爸B都有收獲，我買左對Tod's皮鞋比爸B，平過香港好多呀！除左UGG，仲係true religon買左牛仔褲，都係casual wear多。

我地行到成3 點幾先坐低食晏呀！！其間有手推車可租，想租比妹妮坐等佢唔駛行咁多，但係妹妮試坐過有d頂腳所以無租呀。off load左戰利品再去食野，記憶中以前都無食過Panda Express，EE推薦就試下，又幾好味噃！有時d 呃鬼佬中餐都幾好味架！仲有個thai tea波霸奶茶妹妮勁鐘意呀。我地黎到美國居然食中國野仲多過係香港，真係騎呢！

 食飽飽再戰！

妹妮話原來outlet都無野玩既 ！又好彩無投訢，唔想行就乖乖坐係度休息，佢好似又唔悶咁。見到小朋友睇緊iPad又黐埋去睇埋一份 -_- 真係老實唔客氣！等我排隊比＄時，妹妮又坐埋個鬼佬阿伯隔離，見到佢地開始傾偈，聽到妹妮話I live in Hong Kong，睇黎佢都幾enjoy同人傾偈而家開始大膽d無咁怕醜了。

係Off Saks見到有拼貼七彩UGG，問妹妮鐘唔鐘意，佢話鐘意自己揀果對多d，我見到粉色好鐘意呀！！妹妮話： 其實我唔係好鐘意粉色架，我鐘意colorful多d。。。明解了！媽me買啦！！好彩有我size啫 ：D

我地一直各有各行，去到Polo Kids見番EE

妹妮又古靈精怪嘞！

妹妮收穫最豐富呀，除左鞋，仲有Rayban黑超呀！呢副係佢自己揀，見佢笠上眼鏡戴又得，淨戴太陽眼鏡又得，加上紫色鏡框同鏡片好靚呀！

舅父買左Columbia Omni heat 外套，好輕身都係＄39.9! 早知叫佢執多件比爸B啦！我就買左Le Creuset 糖鹽'aunt' 雖然只有呢隻色無其他七彩咁靚，不過都殺啦！

仲有TeaForte茶，之前飲過佢d茶包，沖好多次都仲好有茶味架 ！

行到7點半，真係要撒退了！公公呢日留係屋企等我地架，好彩屋企附近有餐廳又有mall可以比佢悶時走一走

滿載而歸呀！！

接埋公公我地去左食台灣野，hehe又係台灣野，係EE個朋友推介既鳳城，呢間casual d 似快餐

但係d餸真係好yummy 呀！！合桃蝦仁好正呀！

淨肉鹽焗雞，啱晒我地呢d 懶人

豬扒

四季豆，仲有其他都好好味呀，無介紹錯！

臨走要同朋友分贓先！

我地都唔算好過份啫！哈哈哈哈！！