食的季節

冬天正式來了，終於約到飯腳Kennis同E.T去拆蟹！好耐好耐無食過蟹了，都好似有幾年無食過。星期五晚放工後準時出現，趕在蟹季尾聲前同蟹蟹講bye bye。來個全蟹宴，有翅，有蟹，幾百蚊一個餐都幾點，不過又幾好味啊！

蒜蓉飽塗上蟹粉，ＹＵＭＭＹ！

大大個出煙的漏汁蟹粉小籠飽

拆蟹了，觸膏不太多，但好好味啊　我呢隻係蟹公...蟹呀蟹，我們出年再見！

我們聽部長說upgrade了貴餐，原來平的有兩隻蟹，貴的只有一隻‘蟹皇’。是否被搵笨？兩隻就算普通蟹都應該多膏過一隻蟹皇吧？

星期六晚因天氣轉冷及要安慰專程返港向家人告白要取消婚禮的朋友Ｐ，我們帶同妹妮，一班人就去E.T叔家打邊爐！ＹＥＡＨ！！又食過！　都沒有影低食物照片，因咪Me的focus都去了妹妮處。

今日由yayaGigi替妹妮裝身，扮得好cute呀！

因妹妮只有陪吃，她整晚就在把所有搖控器從梳化搬去電視櫃再搬返梳化。於是比條菜妹妮玩，她就企定定將條菜碎屍萬段...搣，搣，搣！

朋友Ｐ不用安慰了，因為下月一日，他們照原定計劃結婚了，本來今趟返港是報憂，而家變成派帖，都算可喜可賀啦！起碼老人家全不知情，開開心心去飲。我們笑說未食到翅都不要輕易放低人情！哈哈！！

今日因為妹妮尋晚做的好事，將E.T叔的其中一個remote收入咪ME手袋。所以又相約一齊飲茶順便還remote，呢張相就係E.T叔的傑作。

嘟起嘴仔食完叉燒飽又食流沙飽！

坐等攰又要落地行下，搞搞震。

最新玩意...坐電梯

呢度影相好靚，好似去了意大利！

回程時妹妮又在車上瞓著，睇下妹妮覺豬豬個樣係咪好sweet呢？爸Ｂ話妹妮覺豬時簡直係個小天使啊