禮拜六有節目, 今日首先去探初生表弟. 不過去到時表弟已覺覺豬, 妹妮就只有觀望.
好了, 由大姑媽(bb媽媽是二姑姐)抱抱bb比妹妮睇, 你睇妹妮個表情出現倒V咀好似在諗...'呢件咩黎?' 不得不提這頂粉藍色冷帽是大姑媽的愛心手作, 妹妮戴起好cute呢!
同表弟影相都好似好苦情的, 跟住仲扭計推開bb, 難道你不喜歡BB嚒? 平時你好鍾意屋企隻BB玩具, 仲成日推車仔噃. 不要擔心, 你永遠是爸b咪me心目中最可愛的bb, 無人可以代替你的! 
抵死的是爸B也奸笑, 究竟大家在想什麼?
'好喇噃, 我警告你咪再影, 你邊間報館架?'
之後我們去了海怡工貿逛傢俬鋪同outlet, 以往見很多鬼佬爸媽都帶埋bb來shopping 的. 妹妮第一次來這裡. 不過她去邊都反應不大.
到我同爸b都鍾意的Tequila Kola, 喜歡這個style, 奈何他們的傢俬都偏大, 無法塞入我家.
在連卡佛warehouse的衫海覺豬豬.
晚上去公公家晚飯, 妹妮只間中埋枱吃小小便走開自得其樂的玩, 因為她主要食糧仍然是粥仔同奶奶嘛. 
但餵食的她總愛試食大人食物, 每次埋枱都'吟'一聲帶滿一咀食物.
妹妮好鍾意波波, 無時無刻見到圓形物體都會大叫'波波...波波'. 今晚見有兩個波波, 就貪心的要攬晒兩個~!
自從3個月大就開始坐potty去'唔唔', 而家大隻些便買了個附加厠板等妹妮習慣一下坐坐厠.
No comments:
Post a Comment