出牙仔

這隻折磨了妹妮一個週未的可惡牙仔終於現身了!　呢隻係第九隻了但比以前幾隻來得嚇人，因為它好像尖尖的但又未破出牙肉，所以望落去係白色但摸落去卻又被牙肉包住。

好彩呢幾日好好多，可能已經無痛了，妹妮都無再發掹憎了。最近仲訓練到可以唔駛拍拍便自己瞓著，已經係好大進步了！因為過往都要抱住佢上身（樹熊姿勢）然後拍下拍下先可以入睡，呢項工作weekday由yayaGigi做，星期六晚就由爸Ｂ或我做，而家自己瞓得著好叻了。

最新招係每晚clean up完，爸Ｂ把她抱上Ｂ床，替她冚好被仔即可。妹妮每次都笑住口同我們bye bye！然後就熄房燈。

bye bye爸Ｂ，咪me，明天見！

雖然熄了燈，但yayaGigi會留在房間陪她，通常妹妮會典一陣就可以自己瞓著！

仲有近排好鐘意鍚我，經常走埋黎要鍚你，冧到暈！

所以前日返工本想戴條餅乾頸鍊，但妹妮一見到就雙眼發光，於是便替她戴上。她戴起後開心到笑晒口，又點捨得攞返？唯有留給她玩唔戴一日啦。