妹妮近況

經過上星期新年假期，妹妮習慣日日有街去，就算病都有得去。今個星期都無同妹妮去街街，不過報導一下近況啦！

yayaGigi每日都會向我報告妹妮去playroom玩情況，昨日得閒就同妹妮一齊去玩一陣。而家原來妹妮識自己爬上木馬仔了，就算會up前up後的都得！

上馬後仲識自己up up下令木馬前後擺動。

又識爬樓梯上滑梯

不過係向後sir而不是跨向前sir

每日都會自組playgroup，另外兩個兩歲多的姐姐會自動自覺較啱時間蒲頭。初時中間的Abby好怕妹妮，因為每次妹妮都熱情的拍打又篤她的臉，Abby又不會抗拒，只會硬著身體由得妹妮hug，之後便衝上滑梯頂避開妹妮。而家一來妹妮溫柔了，二來又熟絡了所以不再怕了，還會一齊追遂呢。

妹妮原來好鐘意玩樂器的，一見琴或鼓都不停地敲。

除此之外，妹妮說話方面也進步了，成日像鸚鵡跟你講話，你講一句她跟一句（只限短句三個音為上限）。已經認得Ａ﹣Ｚ，不過只限大楷。見到水杯要飲水會叫‘aucter’（＝water)，每次沖完涼都會大叫‘coming’...其實是叫我去替她搽lotion，因為她應該叫咪me，而我回應她coming，但掉亂了以為coming是叫人來。

前日她口嗡嗡自言自語拿著ＢＢ公仔說：BB $%Z*Y#@! 咪me（不是粗口啊），然後一手將ＢＢ公仔塞比我然後行開去玩。這時才知她剛才講的一句話是有意思的，應該是叫ＢＢ公仔你去同咪me坐啦之類，只是我識聽的只有ＢＢ同咪me兩個字，其餘都是她的外星話！不過都高興她可以就句子了，相信好快妹妮便似國泰航空舊廣告中的幾歲女孩，不停口的問‘呢個咩黎架，我哋去邊呀，點解咁樣架？...etc’