2Y6M

又一個月了！！妹妮而家兩歲半喇。巨人一等的妹妮搭地鐵，度一度都已經有人地三歲咁高了。不過既然地鐵寫住３歲先要買自己車飛，妹妮就偷鷄多半年咁多啦！

兩歲半妹妮而家脾氣又大左，爸Ｂ話要好好控制佢Ｄ情緒，唔可以成日一味NO NO NO!咁，凡事要加thank you 或please。加上佢性格好bossy，成日要order人做佢要既野，怕佢３歲定八十，要開始train佢唔可以咁惡了。

不過值得一讚係妹妮會同朋友仔分享，連baby center都話 : They can be fiercely protective of their possessions, and sharing is a skill that won't come naturally to your child for another year or two.

但係妹妮就已經好識分享，仲因為睇得barney多識話sharing is good潻。

而且為人熱情，我見佢去到playroom見到朋友仔都會走去hug人，不過個朋友仔就好似好抗拒妹妮熊抱咁，好彩妹妮被拒絕都無唔開心。

又好鐘意join埋其他小朋友一齊玩

不過咁鐘意order人，都唔知佢係學校同同學仔相處時係點。

呢個印度哥仔就好照顧妹妮，每次都會帶多個波波比妹妮玩架，而且會share。雖然妹妮係playroom幾個朋友中年紀最細，不過就最friendly同肯share玩具。

而家記憶力都強好多，對上一次佢同yayaGigi搭呢架小巴去church，今次我問佢之前有無搭過小巴，佢除左答yes之外，居然答到‘I ride with yayaGigi before’！！好勁呀

對上呢個月又講好多廣東話，例如：我食飽（音：包）喇，我睇（音：大）電視。你同佢同講廣東話都會用番廣東話答。

仲有手仔同腦仔都夾得好好，好似呢個積木每粒有６面，妹妮都好有logic咁砌得番個圖出黎

最近又鐘意扭空蛋，即係斎扭無入錢架

星期日爸Ｂ話想帶妹妮搭小輪，於是我地先搭地鐵過海。因為成日都揸車，妹妮其實好小搭其他交通工具架，趁而家仲係免費其實要搭多Ｄ，抵番吖嘛！

見到有車識自己行入車箱

好逼人，小矮人在一大堆大人之中。

有位坐了，連隔離個菲菲姐姐見到呢個多多表情既妹妮都忍唔住要𥄫下佢做咩

古靈精怪

寶馬showroom有車展，爸Ｂ最鐘意去搞搞震睇車，又有小童corner於是同妹妮一齊去玩下。有小丑扭波波，仲有得飲有得食潻

仲有相影潻！個相架雖然係紙做，不過好特別呀

畫完畫，飲飽食醉又擸左幾個波波先走人

有姐姐整左條尾比妹妮，佢戴住後即刻話Ｉhave a tail！好了，行去括船返屋企了。

妹妮真係好多表情

兩父女

坐船都仲要拎住條尾，真係bye bye你條尾呀。。。去相！

舊年我地都有去迪士尼同妹妮興祝歲半生日，不過今年爸Ｂ公事勁忙，希望快Ｄ有時間可以再去玩下啦！