其實應承左妹妮去海洋公園幾個星期了，不過之前幾個星期都陰陰天所以無去到。今日天氣都麻麻，不過搏一鋪啦。不過係床上磨爛蓆磨到九點幾先起身梳洗，十點多去跑馬地食個早餐先。
１１點去到海洋公園，車龍好長，第一次同妹妮揸車黎，估唔到呢度會得咁小車位，好似比迪士尼差Ｄ噃。不過Ｄ實Ｑ都好幫手，一路騰出多Ｄ車位比遊客，我地半個鐘就入到場了。
未去到黃竹坑離遠已經見到有熱氣球升空，妹妮仲一路話要ride hot air balloon潻！但係架車行條路又唔係直架嘛，我地轉左個彎妹妮就以為我地唔去海洋公園，仲心急到差Ｄ喊呀。入到場個熱氣球要排９０分鐘隊噃，我地就去睇大熊貓先。
好彩妹妮好易就可以被我地轉移視線，無扭計，仲好鐘意熊貓。原來佳佳成卅幾歲喇！動物來講都算老了，不過仲有行來行去食竹。
呢頂帽仔好cute呀！
之後仲有另個熊貓館，入面有齊公園三寶架
有小紅貓。。。其實細個時呢Ｄ叫豌熊，唔知同小紅貓係咪一樣呢？
又有娃娃魚，不過娃娃魚好核突既，有手有腳架。
主角當然係熊貓啦
妹妮對Ｄ卡通人物經常都又攬又鍚架
真係好熱情呢，臨走又攬住hug hug。
行出熊貓館仲有金魚館睇呀
入面有好多不同種類既金魚，妹妮平時去飲茶最鐘意睇魚魚，而家大把任佢睇。
呢度同所有公園都一樣去到邊都有間賣手信既鋪頭，比我地借道具影下相。
突然先妹妮應該肚仔餓要開餐了
第一件妹妮戰利品係爸Ｂ話要買的水晶tee，我地揀左熊貓圖案仲加埋妹妮個名。
因為熱氣球實在太多人，我地都係去搭吊車先。
妹妮見到吊車不知幾開心，又話要坐紅色車
坐到上去一Ｄ都唔驚，就算離地好高都無有怕，好大膽架！仲話go up and go down，like a helicopter 潻。
妹妮望住出面咁多吊車，話look like balloon。
到站了
本來想去睇海洋劇場，但係經爆滿，唯有等下一場，去左海洋館先。一入到去就有魚魚睇，仲可以摸下海星潻！
跟住去睇下Ｄ大魚，有大海龜，大魔鬼魚同好多大魚呀，不過睇左一陣就話要wee wee，我地又趕頭趕命離開海洋館了。
去完wee wee，打算返海洋劇場霸位，點知又係咁多人，簡直係人山人海呀，我地唯有搵個位坐低食Ｄsnack等下。
無食popcorn好耐了，上次食好似係兩歲生日去迪士尼呀，同埋有次yayaGigi買左包返黎自己焗。。。不過係咸既。
鬼馬妹又扮瞓著覺咁咪晒眼。
唉，終於等到散場了！我地即刻去霸位
影下相，點解等到過晒鐘都未開場呢？
原來我地買野食時聽到人地講個時間同爸Ｂ講既時間差成個鐘，原來爸Ｂ隻錶較快左成個鐘都唔知，明明四點又話五點，搞到我地白等左成個鐘！！！
不過今日實在太迫人加上好熱，都無心機行咁耐，都係hea住行下睇下算。妹妮又可以落地跳下舞。
個傻豬成日無瞓晏覺，終於比爸Ｂ一抱抱就瞓著左，每次睇佢瞓著覺個樣都覺得真係成個小天使咁呀
海豚表演開始了，妹妮都未醒，不過無幾耐就醒左
仲識學人一齊拍手！
仲有海獅
個騎呢女以前坐Ｂ車最怕拉埋個縫，自從去過日本旅行因為好凍要拉埋個縫之後，而家就成日好似自閉咁拉到冚晒。裝入去佢又唔係瞓覺，於是我問佢呢係入面做咩，佢居然話hiding
睇完海洋劇場都成５點幾，我地都無去水母館就回程了。今次再坐吊車，妹妮全程自己坐，連經過‘轟轟轟’的位置都無上一次咁有小小怕。
叫佢對鏡頭笑，無啦啦又加個兩隻手指篤住個臉豬
但又唔望鏡頭
今日妹妮好開心呀，yayaGigi放假返黎，妹妮第一句就衝埋去話‘yaya I go Ocean park’，問佢見到Ｄ咩，佢答得出panda and dolphin，咁dolphin點叫架？佢扮‘aer...aer...aer’爸Ｂ話同佢扭計Ｄ‘E-E-air air’聲一樣！仲有記得有好多colorful hot air balloons同nemo (個氣球）潻。不過經過今日咁辛苦，相信短期內都未必再去了，不過今日總算滿足了妹妮去ocean park既願望呢。
No comments:
Post a Comment