大浪灣

上星期日一早比妹妮叫醒，見難得天氣好就即刻執好行裝去石澳。8：12分就到喇，點知都已經泊滿車，等左十幾分鐘都未有位，於是走去食個早餐再算。

本來爸B話去深水灣，但係上次去過D沙又粗，水又‘俗’。不如近近地去大浪灣吧啦。去到居然仲有大把車位呀！你睇妹妮幾型，成個明星出場一樣呀。而家一上車出街，醒起無帶眼鏡就會話‘oh I forget my eye glasses，the sun is so shinny today’ -__-"

爸B租左把傘，不過無人拮埋入沙要自己拮。我地兩個人鑽左好耐把傘先企得隱小小咋。

但係一大風又冧，爸B繼續拮傘，妹妮急不及待去玩水

妹妮呢一年好似高左好多咁，成個人拉長左，肚腩仔都細晒，不過真人都尚算有D肉地。

一齊向大海出發！

妹妮一D都唔驚水，有大浪打埋黎仲啱！

一見到有大浪就話 ：look!! big wave coming!!! 今日有好多鬼仔呀，好多鬼父母都教D仔女滑浪，襯有浪時就即刻趴上塊板度。可能大浪灣真係夠大浪可以玩滑浪板，我都想買一塊教妹妮玩呀！！

玩完水硬係去堆沙啦

而家妹妮識一污漕就自己走出去岸邊洗手

見到有浪沖埋黎仲要跳浪潻

掘到個窿喇，妹妮又來來回回出去描水

有得去海灘最開心都係呢個妹妮了

爸B整左座山呀

妹妮叫座山做castle 

幫下手加水，加沙起城堡

跟住我地話個窿係princess坐既，佢即刻坐入去。睇下個百摺肚！

仲有個公主扭頭扭髻扮腼腆既甫士。

玩左好耐，原來都係玩左兩個鐘咋！！妹妮仲話I have so much fun today!

襯時間尚早我地去同妹妮買燈籠，係車上已經猛話：鵝要買紅色呀。明明鐘意黃色同綠色架，點解要紅色呀？

原來佢想要既係粉紅色呀！比我地搵到條粉紅色金魚，妹呢叫：呢條墳孔色呀。

老板仲好人，我地見到有條特大金魚，二話不說就拎落黎比妹妮影相。

條大魚真係幾靚架，盛惠＄228！我地都係影下相算喇。