十.一 週年日

不經不覺又一週年了, 自從有妹妮後, 呢個週年日子我地都係3人行. 無計啦, 每逢十.一都係公衆假期, yaya一定放假, 賴低妹妮同我地一齊慶祝

都無計劃過呢一日點過, 所以都係如常去食個早餐, 去下公園

食完早餐飽步, 跑`一陣妹妮話肚仔痛, 應該係飯後運動d腸抽住個d痛, 停一陣唞下就無事了.

於是走埋一邊坐下草地

妹妮幻想力豐富, 幻想自己去緊pinic, 仲遞晒隱形食物比自己同我地食.

大笑姑婆, 大部份時間都好開心架, 成日笑到kaka聲，不過發起脾氣就成隻小辣椒一樣! 開始識泵地, fing手fing腳扭計.

乖既時候又真係好sweet, 可愛到想咬一啖既.

上看台休息下, 望下爸b跑步, 妹妮睇左好耐先見到爸b呀! (紅箭咀)

唔知係咪學校有教玩平衡木, 妹妮一見到一條條的物體就要大開手行上去, 仲要一邊唱唔知咩princess潻!

返屋企同妹妮一齊大昏迷, 居然一覺瞓左3個鐘!! 平時妹妮自己一個瞓晏覺最多兩個鐘就醒, 不過如果有人一齊瞓, 就可以瞓好耐都得.

今晚特備節目係煙花, 仲要成9點先放, 我地book了8點鐘食飯, 瞓醒先4點幾, 我地係屋企hea到5點幾都忍唔住要出街行下. 妹妮見到lego開心晒.

原來呢個長城係要捐錢先可以幫手砌架，捐＄40就可以砌15分鐘，幫手延長個長城喇

我地無比錢就坐係出面D免費枱砌一陣玩下算了

hea左好耐去埋toysrus都仲係7點咋，但已經行到攰攰地，連天星間麥當當都人流管制！我地唯有行到去中間道另一間，事關大帝話要食雪糕，我地又攰就順便去坐下。

今晚成條彌敦道封到，話比妹妮知今日no car! 佢即刻好興奮走出中心影相

搵到人幫我地影全家幅

差唔多8點，我地都係上餐廳坐了。我地已經第三年黎呢度慶祝週年了，再早幾年反而年年都去唔同地方食。。。但係都有去睇煙花的。記得大肚那年，陀住仲有十幾日出世既大肚，就求其去左APM食利苑。年年都黎呢度係因為無special menu無趁火打刧的千幾蚊per head menu，又有煙花睇，而且D野食都OK。

其實啱啱食完老麥小食，都未咁快肚餓啦。所以我地dum住慢慢食下包，我超鐘意呢間餐個超大洋蒽包，如果唔係要留肚食扒，真係成個都食得晒呀！！

傻妹

待應好識do叫我地睇埋煙花先上菜，所以我地有成個鐘慢慢飲下湯，食下包同沙律。仲有當然係不斷試下相機用邊個mode影得最好啦。

加閃光燈。。。後面隱約見到煙花呀。

唔知出街上睇係咪精彩好多呢？不過唔駛迫又有得食算係咁了，最弊係我地稱住隻36磅沙包，郁下要抱抱都好大鍋架。

D扒最後都食唔晒，不過今晚兩塊都係水準之作！yummy!!! 跟住又例牌有呢個心太軟。。。坦白講我一D都唔好心太軟，因為好漏呀，有得比我揀就好了！

待應幫我地影完相後，妹妮好快就問左句：its my birthday cake? 然後係9秒9內。。。‘符’一聲吹熄左支爉燭！

又係佢話要食cream brulee，叫左又唔食！

今晚玩到好夜呀，成十點幾先返到屋企。返到去妹妮係房攞左份禮物同扎花出黎。我知又係yaya同妹妮合作的好事。

張咭同扎花都好鐘意呀，更加鐘意佢兩個的心意！ d 心心貼紙全部係妹妮自己貼架， 所以都叫有幫手架。