婚紗相

啱啱身痕搵番d舊相出黎睇. 寫blog都係近幾年的事, 所以blog友都未睇過我d結婚相. 由其呢批去台灣影的, 我地擺酒都唔記得帶去酒店! 有份去飲都未必睇過呀!

回到2003, 因為沙士, 我地本來book好5月要延到9月先去到台北. 一去到就去婚紗店揀衫, 套餐有5件衫架, 而且每件都有修改, 唔係香港個d用扣針扣住算數架. 第朝9點返到婚紗店開始化妝, 當年我日日都素顏, 唔駛化妝返工, 所以唔係好識d技巧...但仍然覺得個妝唔係好自然...不過又唔知點, 於是照影啦. 早上集中影室內，但係唔係好鐘意個妝所以揀左好小室內相咋。

搞到成3點幾先出外景呀，個呢處係台中一個掉空了的舊軍地之類, 有炮台等物品, 不過地址唔知, 因為我地揸車去架.

我諗可能係防空洞至真， 不過我覺得似歐洲D酒莊呀。

跟住去左淡水再遠的一個岸邊，都幾有特色既。主要係我好想影一輯藍天白雲海灘景的。呢，好似D廣告係沙灘走緊個D呢。。。但係去到海邊己經4點幾了。

旁邊的餐廳都有用黎做佈景架。

其實我幾鐘意呢年兩件頭婚紗架，上身你件肚兜，不過好鐘意D層層不同物料的ruffles。

太陽都快要落山了，但係都未影到海呀！！！呢度有D小島風情feel。

唉，去到海邊都日落了。

我地第三日黃昏先去揀相，爸B話個package包三十張，求其揀5張有佢份叫做証明有影過算了。至於我因為覺得個妝唔靚，係到下晝因為熱溶左D先好睇番D，所以都無咩信心D相影得靚。

點知去到婚紗店，見到D相又覺得幾好噃！可能因為我地無期待，所以反而有驚喜。

雖然我係想要日光海灘相，不過黃昏係另一種feel。

最後我地買左15x 張相呀！！

去到2004，我地結婚了！

呢輯相就由當日攝影師於註冊日同擺酒當日影的。呢幾張比較鐘意，去相。。。

中環某處

返到酒店了

呢件旗袍係朋友Emily十八歲時參加pegeant時做的，佢後來都係著黎結婚，但件旗袍都有十幾年歷史。佢叫的借來著時，第一眼見到已幾好鐘意！！可惜擺酒時又無特別為呢條裙影相，仲唔記得帶D金器呀。

今次我仲好滿意個妝同髮型潻呀！

眨下眼就幾年了，恐怕都無咩機會會著得咁靚了。。。