半新屋

無錯, 唔係搬新屋, 只係又再執下間屋

...雖然未至於換然一新, 不過叫做有小小小小新意囉, 就係油下d牆換個新look. 本來諗住妹妮房油黃色, 因為佢最鐘意黃色同綠色吖嘛, 點知問左佢幾次都話要紫色, 臨買油前再問都係話紫色, 於是就拍板啦! 效果幾好吖, 起碼好過粉紅色!

其實一直係想我地間房紫色, 妹妮房黃色或青綠色. 不過妹妮揀左後我又諗唔到另一隻色, 於是一齊紫色啦, 仲慳埋油潻! 呢幾個星期d工人成日甩底, 我地d野執晒出黎, 好似住難民營一樣呀!

另外就係買左張書枱比妹妮, 因為間房唔係好大, 所以買張細細地既. 仲要爸b自己砌架, 妹妮幫手推入房

好似幾鐘意張新枱噃!

裝埋書架, 妹妮即時上枱畫下畫

不過加左上面extra既書架就開始有d亂七八糟既感覺, 要盡快買d bookstand等d書企得整齊d先

不過最滿意都係妹妮, 見到自己有書枱又有書架, 不知幾開心. 佢而家仍然好鐘意張公主床架, 成日扮公主. 仲拿住個紗網扮公主紗黎笠頭...

工程未完晒架, 仲有廚房同我地間房未整完架...待續