金裝迪士尼

8月27日

好多細路今個暑假都有睇呢個show呀，妹妮一聽到有show睇就好開心，唔理係咩show都啱！



何況最鐘意既MICKEY ﹠ FRIENDS？！



因為要返工所以得爸B陪妹妮去咋



不過睇番D相應該都睇得幾開心既



話時話我地都差不多成年無去迪士尼了，自8月尾起爸B實行左一個計劃，就係如果妹妮每乖一日，每晚就會攞到貼紙一張，儲夠50張就會獎一次迪士尼之旅。



而由計劃開始大約50日後，都差唔多係我地生日，到時可以去迪士尼慶祝了！！



夜晚問番妹妮個show好睇嗎？有邊個卡通人物呀？佢通通噏晒出黎！仲話好好睇，佢真係好想快D去迪士尼咁呀。



妹妮睇完呢個show之後成日話要學show入面有個人咁，做個打關斗甫士，好彩佢未碌得到咋！我一見佢想碌就停佢，唔係扭親條頸就弊喇！