新機試影

爸B又買左架新DC，今次居然買左SONY NEX﹣C3，呢最近廣告唱日文歌有隻貓個架呢。仲以為佢會買架GF3潻！而家試下機先：

是日同妹妮親子裝



行過awfully chocolate又買左個返屋企食，妹妮見親有蛋糕就話係birthday，佢好期待自己生日架，不過我就唔捨得佢大得咁快了



人清景朦都好易做到，都係個鏡頭關係啫，不過對焦都幾快吖



無啦啦攬住隻barney行來行去，變番大BB



而家會對鏡頭笑同V



爸B在旁叫：隻眼大D， 笑得‘鬆’D。因為妹妮試過幫爸B影相，爸B做個梗既笑容，佢就叫爸B 鬆D鬆D，即係relax D咁解



好鐘意呢張相呀，佢笑得好自然，可惜爸B眼鏡就甩咁滯



每朝起身，妹妮個頭都有個雀巢吊住尾



星期日爸B幫大肥沖涼，妹妮隔岸觀火



佢仲好鐘意照呢塊鏡架，每次梳完頭都要爬上去照一照



大肥乾淨晒了，可以比妹妮摸咪咪



叫佢抱下大肥，佢猛話好重呀 （大肥大概十五/六磅度）



其實唔係咁重啫，不過可能佢驚大肥會跌落地呱？



夜晚我地去食moumou club，咁耐都未去食過，牛角一樣咁爆！！個牌寫住3歲或90cm以下免費。。。但係妹妮3歲時已經100cm了！



同爸B出去菜bar攞菜




其實妹妮唔係咁鐘意食淨肉



我地叫個特上plan，但係間中先有特尚牛，有時都係比普通牛咋。特尚牛就真係靚好多好食好多囉



妹妮都有食下淨肉，不過主要食鳥冬，冬菇，同埋特尚牛先食（滑D嚇）。不過咬啖栗米就即時單晒眼豎晒手指！真係咁好食？？



之後仲有雪糕食！



講番架機，好就好在超輕盈，而又輕易做到景深較果。平時真係懶得帶大機出街架，呢D相機啱晒我地用呀！！