重陽打邊爐

重陽節（10月5日）

妹妮一早又畫畫，已經成為每朝起第必做既習慣了。今次佢話想畫個toolbox，但係又話唔識畫，於是我將toolbox擺係佢面前叫佢照住畫啦。。。跟住佢畫左出黎，都似似地架！佢仲話連盒上面兩個貼紙都畫埋出黎架。於是叫我幫手填色，我諗住中間個方形係入面個筆刨，就填藍色



點知佢再油粉紅色上面，話：媽咪，你唔知個方形係toolbox個扣咩？係粉紅色先啱呀。。。‘哦’ ，又係噃！雖然入面D野又唔啱比例又唔齊，不過填埋色後睇落都幾似吖！

好喇，今晚約左EE打邊爐，講你都唔信，妹妮咁大個女第一次參與打邊爐架！

今日買左本新sketch book比佢，直情攬住唔放帶埋去EE屋企

姨丈又整蠱佢喇！本sketch book明明空白又話見到有公主圖畫係度！

EE同姨丈啱啱去完泰國旅行，妹妮例牌有收穫！成個頭伸埋入袋睇禮物

係T shirt 呀，即時拼下先

仲有佢指明話要花碌碌既裙，有個星期日起身第一句就係講 ：媽咪我今日想著beautiful dress。而佢心目中既beautiful dress泛指一切花碌碌兼colorful既裙 呢條夠晒花喇呱！

準備食野，EE問妹妮打邊爐要食咩，但係佢未打過邊爐噃，於是叫EE買了腸仔，節瓜，栗米比妹妮啦

又走去想幫手

埋位喇，幾開心！今日舅父都趁黃金週返黎玩呀。

第一樣淥比妹妮食既梗係腸仔同節瓜啦，妹妮好鐘意食節瓜，不過佢成日以為節瓜叫做‘大冬瓜’

食一陣又走去露台睇下風景歎番陣先

第二朝妹妮又畫畫，我第一眼見到右邊最大隻個優，於是問妹妮點解3隻小豬同隻bear bear一齊既？原來隻bear bear係豬媽咪黎架！！ 仲有深啡色個隻你大惡狼

呢塊畫板就係EE同姨丈送既生日禮物，而家妹妮日日都用黎畫畫架

仲有粉彩，你睇妹妮係咪好pro呢？幾專心！

成個小畫家咁

最近終於有幅自畫像唔著小鳳裙，今次著短裙，仲話戴左黑超潻