十月十七日（大日子！！）
係我地兩個生日呀！！4年前今日我同爸B係產房渡過，真係我最痛苦既生日呀，不過換來一個sweetheart做生日禮物！相信黎緊十幾年我地都係孖住慶祝。。。直至妹妮大個有自己朋友或者男朋友吧！
一早牙都未擦臉又未洗爸B就點晒腊爉捧住個蛋糕，妹妮日日都好早起身，佢就清潔好晒，我唯有頂硬上, 雙眼同妹妮一樣咁腫呀！
make a wish, 希望妹妮健健康康，又聽話，不過願望唔可以講晒出晒架，會唔零架，講住小小先啦！
切完蛋糕我地出發喇！今日再進軍迪士尼，妹妮公主上身！
小公主著公主裙不知幾Happy！而家佢好貪靚架喇。起程前我地買左麥當當帶埋去食，點知妹妮車上已經食左半個包。爸B讚佢咁叻，食晒半個hamburger! (因為平時佢唔多食漢堡包架）
點知妹妮話 ： burger得架喇， 唔駛‘嵌’架 （‘ham’burger 個 嵌）
爆笑呀！！
到喇！呢日真係天公造美呀，天氣大好，仲開始有D熱同晒潻！公主都要帶黑超。
入到場叫妹妮唞下先，因為佢條裙又焗D，叫佢慢慢行，坐下先啦。點知佢要坐上我大脾？！點解唔自己坐呀？佢話因為驚整污糟條裙！！見佢咁愛惜自己既物件真係開心晒
去到樂園幾開心！
尋晚無見到daisy 同donald，今日同佢地補番影相先，又係一見就好似好耐無見咁要去hug hug 一番！
Donald見到我個birthday襟章，手指指話同我合照，仲指妹妮走開，後來知道妹妮都係生日就同我地兩個影相
入去鋪頭過下冷河先，見到尋晚個好朋友頂帽即刻戴黎睇下先
到chip and dale喇
知唔知chip and dale邊個係紅色鼻？講完我都唔記得了。。。^O^
birthday gals!
平時都有見D細路著公主裙入迪士尼，今日都有，不過都有人行過對住妹妮話 ： snow white呀， 真係公主出巡一樣
第一樣遊戲玩左飛碟先
跟住去玩space mountain，妹妮第一次玩咋，其實爸B都係第一次玩。入去前我以印象中記憶話比爸B聽入面好黑，有D星星，好似太空咁，係過山車黎，唔可以影相架。因為都兩年前玩過，都唔記得咁多。排隊時有個鬼婆仲問妹妮幾多歲？因為佢個女4歲唔敢玩。入到去妹妮同爸B坐，開車前我都叫左爸B要扶住妹妮。。。點知過山車原來都好快下，而且無咩星星，只係得好小時間有星星出現，大部份時間都係黑媽媽咩都見唔到而且好快又上又落。。。落車時問妹妮驚唔驚？佢居然話唔驚！仲話自己一直開眼無尾埋眼潻！個鬼婆出到黎都有問我地妹妮驚唔驚， 爸B即時話連佢自已都驚！妹妮更係驚啦。我地睇番個D突擊照見到妹妮個頭耷到見唔到樣架！唔驚就假。
之後去玩巴斯光年妹妮已經話唔想玩dark games了，不過我地話巴斯光年唔驚架，佢又去。諗番起個space mountain都想笑！
安全玩完無驚驚！
之後妹妮都話以後唔玩‘太空山’了！
今次第一次無帶B車去樂園，我都諗妹妮無可能行到咁多路，不竟由一邊行去另一邊真係好遠！妹妮已經自己行左好遠路，都係頂唔住要我抱抱，但係真係太重抱唔到，揹住好小小，可以頂耐D。以前妹妮唔鐘意揹架，而家無計都要接受。
見到Aurora 呀，本來Aurora要食晏，個職員見我地有生日襟章比面我地影埋相咋
公主相遇，好似有無盡心事傾訴一樣
公主同城堡
迴旋木馬，妹妮至愛
不過無白馬王子呀，只有公主
而家週圍都係halloween佈置呀
跟住再去睇3D電影
睇完電影我地搭下火車
點知妹妮一坐低就瞓著左，見佢咁攰加上仲有成日玩點忍心叫醒佢呀，於是比佢瞓下啦。。。我地就遊火車河
兜左成4，5個圈。。。白雪公主變睡公主呀！後來因為開始多人坐火車要抱起佢先醒，都瞓左成大半個鐘了。成身出晒大汗。。。
一覺瞓醒，雖然短短半個多鐘但係都精神晒，即時去換埋衫潻。去到女厠個BB換片位想幫妹妮除下公主裙，點知佢話唔好。原來因為有圍有人呀，佢話想無人先除衫，於是我地去左傷殘𤧟格。妹妮真係大個女喇，知道唔可以當衆除衫，會怕醜了。
換完衫抺埋身成個人醒神晒！
去玩小小世界，妹妮有印象呢個唔驚，不過排隊時有D綠光佢都話驚驚地。。。慘，有陰影潻
後來當然唔驚，見無人排隊個姐姐仲比我地唔駛上岸再玩多次潻
再去睇金裝迪士尼！
時間啱啱好玩到stitch!! 我地之前有年票但係咁耐都未玩過，今次第一次呀！仲坐到第一行潻！當士迪仔話想同觀衆傾偈，妹妮居然大膽舉手，仲要應該係第一個舉手呀，連士迪仔都睇到話要同妹妮傾偈。
士迪仔問妹妮問題，例如叫咩名，係邊到黎，係咩人呀？妹妮都對答如流，跟住仲自爆 ： 我今日生日呀！！
士迪仔叫全場一齊唱左首生日歌比妹妮呀！
第一次玩呢個就有得同士迪仔傾偈，仲有生日咭潻！
行行下見到有泡泡機噴泡泡，妹妮又興𡚒到跳起
見佢咁開心真係有D衝動買番屋企玩呀
好喇，我地去adventure land 個邊坐船
呢隻船都坐過好幾次，以前妹妮見到噴火噴水都會驚，點知而家都仲有D驚驚地。爸B話佢伸出D隻手指住出面，管家婆即時叫佢伸番手入黎，話 ’危險呀！‘ 咁喎。
霧中影相都幾得意噃
打下鼓，開始天黑了。妹妮好想玩小飛象架，不過好多人排隊呀
於是玩左winnie the pooh先，以前佢好怕入面黑媽媽，次次都要用我隻手揞眼，今次開始無咁驚了
之後我地再去玩木馬，影多幾張相。
點知管家婆吩咐爸B快D坐好，扣好安全帶啦，唔好影相喇！
扣好晒安全帶就可以影相 ↑＿↑“
原來星期一無黑色迪士尼架！我地仲諗住6點零鐘快D去食飯，7：30睇埋巡遊先走潻。無巡遊就變左提早放煙花，於是拿拿聲去食野，都無再去坐小飛象了。吖，食飯時妹妮玩筷子，爸B話係咪生日都要閙呀？
妹妮 ： 惡婆乸豬！
（咩話？惡婆乸豬！？點解呀？）
妹妮 ： 爹D成日都閙我囉！
（成日？？今日閙過你一次咋噃！）
7點半啱啱好睇煙花！
幾開心！！仲有得騎膊馬潻, 再大d爸b都騎唔起你了
放完煙花又係時候點家了，多謝Wendy姐姐今日為我地特別安排，今日玩得好開心呀！
真係玩到盡興先返屋企！Happy birthday darling!!
爹D媽me永遠都最愛你！
成年無黎過，今日好多野想玩都未玩到，不過而家妹妮肯自己行其實已經比以前推住架BB車輕鬆好多了，希望好快再有機會黎玩過啦。
係我地兩個生日呀！！4年前今日我同爸B係產房渡過，真係我最痛苦既生日呀，不過換來一個sweetheart做生日禮物！相信黎緊十幾年我地都係孖住慶祝。。。直至妹妮大個有自己朋友或者男朋友吧！
一早牙都未擦臉又未洗爸B就點晒腊爉捧住個蛋糕，妹妮日日都好早起身，佢就清潔好晒，我唯有頂硬上, 雙眼同妹妮一樣咁腫呀！
make a wish, 希望妹妮健健康康，又聽話，不過願望唔可以講晒出晒架，會唔零架，講住小小先啦！
切完蛋糕我地出發喇！今日再進軍迪士尼，妹妮公主上身！
小公主著公主裙不知幾Happy！而家佢好貪靚架喇。起程前我地買左麥當當帶埋去食，點知妹妮車上已經食左半個包。爸B讚佢咁叻，食晒半個hamburger! (因為平時佢唔多食漢堡包架）
點知妹妮話 ： burger得架喇， 唔駛‘嵌’架 （‘ham’burger 個 嵌）
爆笑呀！！到喇！呢日真係天公造美呀，天氣大好，仲開始有D熱同晒潻！公主都要帶黑超。
入到場叫妹妮唞下先，因為佢條裙又焗D，叫佢慢慢行，坐下先啦。點知佢要坐上我大脾？！點解唔自己坐呀？佢話因為驚整污糟條裙！！見佢咁愛惜自己既物件真係開心晒
去到樂園幾開心！
尋晚無見到daisy 同donald，今日同佢地補番影相先，又係一見就好似好耐無見咁要去hug hug 一番！
Donald見到我個birthday襟章，手指指話同我合照，仲指妹妮走開，後來知道妹妮都係生日就同我地兩個影相
入去鋪頭過下冷河先，見到尋晚個好朋友頂帽即刻戴黎睇下先
到chip and dale喇
知唔知chip and dale邊個係紅色鼻？講完我都唔記得了。。。^O^
birthday gals!
平時都有見D細路著公主裙入迪士尼，今日都有，不過都有人行過對住妹妮話 ： snow white呀， 真係公主出巡一樣
第一樣遊戲玩左飛碟先
跟住去玩space mountain，妹妮第一次玩咋，其實爸B都係第一次玩。入去前我以印象中記憶話比爸B聽入面好黑，有D星星，好似太空咁，係過山車黎，唔可以影相架。因為都兩年前玩過，都唔記得咁多。排隊時有個鬼婆仲問妹妮幾多歲？因為佢個女4歲唔敢玩。入到去妹妮同爸B坐，開車前我都叫左爸B要扶住妹妮。。。點知過山車原來都好快下，而且無咩星星，只係得好小時間有星星出現，大部份時間都係黑媽媽咩都見唔到而且好快又上又落。。。落車時問妹妮驚唔驚？佢居然話唔驚！仲話自己一直開眼無尾埋眼潻！個鬼婆出到黎都有問我地妹妮驚唔驚， 爸B即時話連佢自已都驚！妹妮更係驚啦。我地睇番個D突擊照見到妹妮個頭耷到見唔到樣架！唔驚就假。
之後去玩巴斯光年妹妮已經話唔想玩dark games了，不過我地話巴斯光年唔驚架，佢又去。諗番起個space mountain都想笑！
安全玩完無驚驚！
之後妹妮都話以後唔玩‘太空山’了！
今次第一次無帶B車去樂園，我都諗妹妮無可能行到咁多路，不竟由一邊行去另一邊真係好遠！妹妮已經自己行左好遠路，都係頂唔住要我抱抱，但係真係太重抱唔到，揹住好小小，可以頂耐D。以前妹妮唔鐘意揹架，而家無計都要接受。
見到Aurora 呀，本來Aurora要食晏，個職員見我地有生日襟章比面我地影埋相咋
公主相遇，好似有無盡心事傾訴一樣
公主同城堡
迴旋木馬，妹妮至愛
不過無白馬王子呀，只有公主
而家週圍都係halloween佈置呀
跟住再去睇3D電影
睇完電影我地搭下火車
點知妹妮一坐低就瞓著左，見佢咁攰加上仲有成日玩點忍心叫醒佢呀，於是比佢瞓下啦。。。我地就遊火車河
兜左成4，5個圈。。。白雪公主變睡公主呀！後來因為開始多人坐火車要抱起佢先醒，都瞓左成大半個鐘了。成身出晒大汗。。。
一覺瞓醒，雖然短短半個多鐘但係都精神晒，即時去換埋衫潻。去到女厠個BB換片位想幫妹妮除下公主裙，點知佢話唔好。原來因為有圍有人呀，佢話想無人先除衫，於是我地去左傷殘𤧟格。妹妮真係大個女喇，知道唔可以當衆除衫，會怕醜了。
換完衫抺埋身成個人醒神晒！
去玩小小世界，妹妮有印象呢個唔驚，不過排隊時有D綠光佢都話驚驚地。。。慘，有陰影潻
後來當然唔驚，見無人排隊個姐姐仲比我地唔駛上岸再玩多次潻
再去睇金裝迪士尼！
時間啱啱好玩到stitch!! 我地之前有年票但係咁耐都未玩過，今次第一次呀！仲坐到第一行潻！當士迪仔話想同觀衆傾偈，妹妮居然大膽舉手，仲要應該係第一個舉手呀，連士迪仔都睇到話要同妹妮傾偈。
士迪仔問妹妮問題，例如叫咩名，係邊到黎，係咩人呀？妹妮都對答如流，跟住仲自爆 ： 我今日生日呀！！
士迪仔叫全場一齊唱左首生日歌比妹妮呀！
第一次玩呢個就有得同士迪仔傾偈，仲有生日咭潻！
行行下見到有泡泡機噴泡泡，妹妮又興𡚒到跳起
見佢咁開心真係有D衝動買番屋企玩呀
好喇，我地去adventure land 個邊坐船
呢隻船都坐過好幾次，以前妹妮見到噴火噴水都會驚，點知而家都仲有D驚驚地。爸B話佢伸出D隻手指住出面，管家婆即時叫佢伸番手入黎，話 ’危險呀！‘ 咁喎。
霧中影相都幾得意噃
打下鼓，開始天黑了。妹妮好想玩小飛象架，不過好多人排隊呀
於是玩左winnie the pooh先，以前佢好怕入面黑媽媽，次次都要用我隻手揞眼，今次開始無咁驚了
之後我地再去玩木馬，影多幾張相。
點知管家婆吩咐爸B快D坐好，扣好安全帶啦，唔好影相喇！
扣好晒安全帶就可以影相 ↑＿↑“
原來星期一無黑色迪士尼架！我地仲諗住6點零鐘快D去食飯，7：30睇埋巡遊先走潻。無巡遊就變左提早放煙花，於是拿拿聲去食野，都無再去坐小飛象了。吖，食飯時妹妮玩筷子，爸B話係咪生日都要閙呀？
妹妮 ： 惡婆乸豬！
（咩話？惡婆乸豬！？點解呀？）
妹妮 ： 爹D成日都閙我囉！
（成日？？今日閙過你一次咋噃！）
7點半啱啱好睇煙花！
幾開心！！仲有得騎膊馬潻, 再大d爸b都騎唔起你了
放完煙花又係時候點家了，多謝Wendy姐姐今日為我地特別安排，今日玩得好開心呀！
真係玩到盡興先返屋企！Happy birthday darling!!
爹D媽me永遠都最愛你！成年無黎過，今日好多野想玩都未玩到，不過而家妹妮肯自己行其實已經比以前推住架BB車輕鬆好多了，希望好快再有機會黎玩過啦。
No comments:
Post a Comment