我們這一家的十月節 妹妮5歲生日會

今年爸b話唔好搞生日會，淨係爸B媽me兩家人食下飯算。於是就真係聽佢話無搞生日會，但要兩家人聚埋一齊都有成廿人，我地屋企又點容納到咁多人？最後都係要搵個地方先可以坐得晒。本來想book房食中菜，但係食中菜又要分開兩張枱坐。食D causal西餐，原來好多商場餐廳週末都唔接受訂枱，要walk in 先做。於是搵左EE幫手book樓下個function room，又可以容納到廿人，又唔駛好似食中菜咁困住係張枱。於是最後都係搞個生日會，只係今次無請朋友仔出席啫。

10月14日星期日黃昏開party，妹妮一直都好想有自己既birthday party架！



一早訂好晒氣球，蛋糕，送到去EE屋企了



呢個kitty 氣球真係好靚，行去會所沿途已經吸引唔小目光



去到function room，見人未齊影下相先！今年妹妮仲係矮過Kitty，如果出年再訂就可能妹妮高過個氣球了



birthday girl 幾識擺甫士！



EE率先送禮物比妹妮，係女仔lego，妹妮應該會鐘意玩架



會所function room房租包埋自助餐， 其實同我往年搞生日會一樣，但係叫埋d 朋友仔我諗妹妮會開心D



呢度有karaoke, 除左有D唔太舊既流行曲，仲有兒歌架。妹妮最近識唱 ‘那些年’，‘我本人’，同Kimberly 首 ‘愛你’，不過 ’愛你‘ 未有K歌，就唱住另外兩首先。



佢唱得真係幾投入架，雖然唔識睇歌詞，但係有伴唱傍住佢都唱到架！



表弟唔識唱流行曲可以唱兒歌。有好多首大家都識唱架！唔知今次唱完K會唔會令佢地上左唱K癮呢？



差唔多齊人，食物都到齊了。。。原來都幾豐富，有mini burger, 有撻仔，有生果，有甜品



仲有意粉，飯



而且唔係大X樂外賣的用錫紙兜裝住外賣，係有晒熱盤的，早知叫D朋友仔一齊黎玩下啦



因為食物都幾多，我地都食唔晒



大家開餐先喇！







食飽飽開賭檔潻！不過係估下邊個杯入面有野啫，但係妹妮玩得好鬼興奮



仲爭住做莊



無野玩爸B同姑丈自制麥當勞生日會遊戲比細路仔玩，有隻雀仔跌落水



蛋糕出場喇！！！往年訂開果間餅鋪因為師傳放假今年幫襯唔到，於是搵左另一間，見D做型好靚，就試下啦！ 效果真係做得好靚，個蛋糕好精緻



妹妮都好鐘意個蛋糕呀

本來想訂個公主蛋糕，但係都係呢D neutral D無咁女仔既好D，而且夠colorful

砌蛋糕前影多幾張相先， 再來大合照

再影，砌左無得影啦嘛！

影影下，都成8：30了，妹妮開始攰了，影到雙眼都合埋 ﹣＿﹣


壽星砌蛋糕

雖然蛋糕唔係糖皮做，係用icing sugar，但係入面個蛋糕都唔係平時有生果肉既忌亷蛋糕而係好似brownie質地既。好唔好食就見人見智，但係做型就一流！

一年一度生日會完滿結朿，多謝咁多位親友出席同埋禮物，唔知妹妮滿唔滿意個生日會呢？希望出年會再搞多次啦，始終覺得叫埋朋友仔一大班人玩開心D， 我覺得一年一次都唔係好過份啫！