我們這一家的十月節 十。一週年紀念

每年十月都係我地一家既大日子，直情係慶祝停不了，因為我地成家都十月生日啦，仲有爸B媽me既結婚週年都係十月架！ 今年十。一發生左件大災難，聽到都好唔心。祝所有生還者可以盡快康復，重過新生活，而死者早日安息， rest in peace。


講返我地自己，難得放假，呢日我地無去食早餐，留返個肚去左食lunch。



唔知點解見到電視就望到實晒，後來先知原來佢係度睇人行catwalk，佢一行到好似交叉腳咁，問catwalk係咪咁喎？！



自從上次同妹妮玩完bom city之後食過don don 屋，佢到而家仲記得，有時聽到個名都話要去食架！於是今日再來



本來妹妮提議黎Elements食野係想去溜冰架，不過今早已經同爸B 上山跑步放過電，去食飯已經打晒喊路好眼瞓咁，唯有返屋企休息啦！



尋晚夜瞓，成十一點上床今輪6點起身，所以晏覺一瞓就3個鐘！瞓醒後得地咪咪麼麼都搞到夠鐘先出門口，今晚又係爸B媽me慶祝週年紀念晚飯，順便睇埋煙花。妹妮自己揀左呢條裙架，好似著到去飲咁, 加埋個髮夾直情成份禮物一樣！



仲叮囑要帶埋中秋前夕同公公去公園買既塋光捧潻！



出到尖沙咀，條街封晒路妹妮就興奮到跳來跳去，又跳騎呢舞，睇佢D頭髮就知係度彈彈下



終於都正正經經咁行了



去到彌敦道，就變身遊客，點到要企係路中心影全家幅！



呢個動作已經係我地每年既指定動作了



自從妹妮出細後我地每年都係Morton's 慶祝，本來係想等妹妮可以睇煙花又唔駛迫人，但係去下去下又一年，而家己經黎左4年了！



每次黎都知道今晚要食扒，但係又忍唔住要食佢地個洋蔥包，真係好好味架！！



妹妮都食下食下食左成半個包都有！仲識話唔夠牛油要加潻，真識食！但係食得牛油多會肥同高膽固諄架，希望佢唔好食牛油食上癮啦



叫妹妮幫我地揸機架，又影得幾好噃！！



幾張都影得好好呀！！

我地8點先坐低，其實食下包，點下菜，食頭盤都好快9點了。煙花開始喇！！今年比往年遲左放煙花，成9點先開始，往年都係8：30左右。



妹妮真係好鐘意睇煙花，猛叫爹D你睇下！



事實又真係好好睇既



睇完煙花先正或開餐，今日專體比妹妮瞓耐D等佢可以夜D都無咁眼瞓，點知佢仍然係9點就開始打喊路。



我地點了兩塊扒，我要ribeye



爸B要porter house



妹妮成日唔肯𡃴肉類，其實係懶，但係佢食左好大份洋蔥包都好飽了。我地都食唔晒D扒呀， 餐廳網往都係送心太軟甜品比我地，今年有新轉變，係梳孚里呀！



呢兜cream好似whip cream咁，好好味!口竹



妹妮以前食過太平館既梳孚里，呢度果D更滑，好似食空氣一樣。



食飽飽 返屋企， 但係等左好耐都無的士呀，我地搞到成11點先返到，睇黎聽日又要比妹妮補眠至得



以往每年yayaGigi都會手做賀卡比我地架，剪剪貼貼妹妮D相，今年佢同妹妮一早都整左張卡。但係妹妮守唔到秘密，上星期已經話：媽me我有禮物送比你，不過要星期一先送，你估下係咩？

點知尋日已經想去摷件’禮物‘比我，不過yayaGigi阻止住佢，到今朝佢好想去櫃桶摷，但係已經比yaya變埋左。妹妮仲想即刻打電話比yaya問話潻！

每年都有既週年禮物，我地儲起晒，留番將來老左再回味

真係要多謝yayaGigi，每年都為我地買花慶祝，雖然係小小心意，不過好有心呢！