関西復活遊 Day 1, 2 @ 心斎橋，USJ

今個復活節，我地終於有旅行去了！！媽me有D身痕，半年無去旅行好似周身唔自在咁呀。所以一早plan定復活節去旅行，新年時已book定了，但係當時D機位都已經好爆！可能加上日元下跌，個個都擁晒去日本呀！呢次我地呢個哈日家庭又向日本出發！



對上一次同爸B去大阪都有成十年前了！！當時覺得大阪無野好買，同東京差太遠了，所以自此之後無再踏足関西了。而家有Universal Studio，啱妹妮玩，奈良又有得餵鹿，所以就去関西了。



比東京機程仲短，但係我地只去5日而且行程好迫，無時間shopping。所以第一站我地去左機場附近既Rinko Outlet，只係一個地鉄站，好方便架！今次妹妮第一次無帶B車去日本呀，有好多路要行，希望佢頂得住啦！

其實都預左無咩野買，不過呢段時間又無大減價，咪去outlet睇下有無平野執

不過媽me無收獲，爸B係BEAMS買到恤衫，妹妮最多收獲。本來試左對鞋但係無買到



點知妹妮著緊對鞋遲唔爛早唔爛，係我地離開outlet前發現穿左個大沽窿！爸B即刻返轉頭去買左啱啱試過對鞋



outlet個food court 都有小童餐枱餐椅，真係照顧周到

出到大阪check 埋in 都成7點幾了！今次住心斎橋，樓下已經有街行

我地由心斎橋行到去道頓堀，最後去左食壽司，呢間有埋tempura，又有其他野食。今日都行左好多路，返酒店覺豬了

第二日

一早起身，呢日去環球片場呀，妹妮唔知係咩，但聽到有芝麻街已經好開心！呢度係酒店樓下，後面既大丸百貨外觀都幾靚噃

 十年前黎對大阪最深刻印象就係呢條有蓋步行街了，十年後都係一樣，都係無咩啱買

每次去日本我地都食讚岐烏冬同牛肉飯做早餐架，貪佢平平地又好食吖嘛！

半熟卵好正架！

買多個麵包去到片場有野食！

大阪比較唔方便係好多鉄路線，好多時都要由地鉄轉JR，唔同機構既鉄路轉車。黎到環球片場了！！居然開始落毛毛雨呀

好彩只係毛毛雨，無損去玩心情！

一入到大街就見到一班芝麻街人物，第一時間捉住cookie monster, 妹妮超開心呀！跟住Bert 同 Elmo 陸續有黎。唔知點解感覺好玩過香港迪士尼呀

妹妮聽到音樂，個身一斷郁，又跳舞又spin，頂佢唔順！

仲有 hello kitty 潻呀！

我地第一時間入左去芝麻街玩先！呢度d顏色好colorful，未行到入去心情都被開心氣紛感染到呀！

第一個坐救生艇sir𦩂轉水滑梯，姐姐幫妹妮度下係咪要有大人陪同先。原來122cm以上先可以自己坐呀

妹總見到個地圖即刻爭住睇，但係佢並唔識睇地圖，只係睇到唔同位置有唔同機動遊戲

嘩，有閉室恐佈症都唔玩得架，唔通入面好壓迫既？我最怕有壓迫感架！

就係呢D救生艇喇，就係坐住佢sir落去管狀滑梯了！媽me要自己一個坐呀，唔知會唔會有壓迫感呢？原來仲係濕泣泣無野墊架，

好快就sir到落去， 一D都唔驚架！

妹妮仲同姐姐hi five潻

個pat pat 就濕晒了

hello kitty 個小食亭都靚過人！

去玩3﹣5歲既小型揸車，第一次自己揸車，但係佢唔識踩油噃

呢隻大白鯊係LA個片場都有架！

今日雖然天氣唔係好好，但係都好多人呀，每樣遊戲都排成大半個鐘，我地又無買fast pass，所以焗住排囉。以前同妹妮去玩都有B車可以比佢唞下，今次無B車，要自己行呀，間中就叫爸B抱抱囉。

玩大白鯊，雖然聽唔明日文，但係個船伕演譯得好生動呀！妹妮仲好驚隻大白鯊呀，笑死！

去到Jurassic park又係超興奮，因為妹妮睇過套電影，同埋我地有本恐龍書，妹妮熟讀晒D恐龍名架！

行行企企得太多了，去餐廳坐下先得！同電影入面間餐廳好似一樣架

妹妮一路都話好想坐呢個ride，點知入到黎又驚到扁晒咀呀！

臨尾好似直插咁衝落水，媽me都比D離心力嚇到咪晒眼，點知妹妮咁大膽，睜開眼，係E起個口咋！

再去back to the future，佢又睇左套戲，知到晒邊個係阿doc，邊個係Biff。

睇下條龍幾長！好彩一路都郁唔係企住唔郁，感覺好快就過。

其實妹妮都驚驚地，但係每個ride出黎佢都話好好玩呀！其實呢個back to the future, 同廿年前係LA玩係一樣架！一D都無變過，連播d片都一模一樣！

玩完backdraft, 再去玩埋蜘蛛俠，條隊好長呀！！早知買埋個fast pass 啦。。。排隊都排到腳軟呀。

其實呢個係back to the future 既upgrade 版，多左4D有埋水，有埋風。妹妮好驚入面D壞人呀！

呢個蜘蛛頭好搞笑呀！！

最後玩埋個 Space Fantasy, 係室內過山車，有好多星光，好靚架！！ 妹妮話最好玩就係呢個呀。

已經玩到7點幾喇，趕快買小小野去食飯喇

USJ 出面有條city walk， 我地係呢度搵食算了。上面有條大阪燒丸子小街，有成4，5間章魚燒丸子鋪，我地食小小頂下肚。妹妮食食下要去痾poo poo， 痾緊其間佢無啦啦話D小丸子好好味呀！

之後再去食拉麵，呢間D裝修都幾有特色噃！

叉燒拉麵同餃子都唔錯！

呢日玩足一日，又排左咁耐隊，雙腳好攰呀，難得妹妮頂得順呀！！返到酒店要浸番下至得呀。