幼稚園的謝師晏

7月14日，我地班同學仔搞左個謝師晏呀！！好勁呀，連幼稚園都有謝師晏，想當年我地要中5先有謝師晏架！而家D細路真係好幸福，咩都提早晒，細細個就有。不過多得兩位家長做搞手，呢晚的確令個個都好開心，尢其D細路仔，成晚hyper一樣！妹妮話佢超級開心喎！！

其實同學仔日間有多一個活動，一齊去睇壞蛋獎門人先去茶樓，但係妹妮一早睇左所以無join到，我地直接去酒樓集合。

7月14日晚假坐中環三希樓晚晏, 妹妮聽到會同同學仔一齊出街晚飯已經興奮左幾日. 晚上6：00 開始可以入場，點知我地同Nathan係最早到既同學仔，原來老師一早就已經到了，其他同學仔睇完戲未到，趁未有人快D搵Ms Skye影下相先。



Katrina都黎了，呢晚佢同妹妮好friend咁呀，直情孖公仔一樣！

班主任Ms Au，妹妮而家已經話掛住Ms Au了。

成班同學仔一齊，佢地真係好興奮呀。又彈又跳又依哇鬼叫！

D女仔開始發現原來有支咪，於是爭住走去講野

妹妮同知知都係好朋友，成日都聽妹妮話同知知玩架！

嘩，當D女仔放低咪走晒之後，到男仔扭作一團搶咪玩！

呢晚仲有MC同攝影師，真係pro過我地當年中學既謝師晏架！！人齊晒之後就等4位老師抽簽睇下坐邊張枱。我地有成5圍呀，多數同學仔都係一個小朋友兩個大人，但有D同學仔都有帶兄弟姐妹。

最後除左較多人一枱外，每枱都分到一位老師

搞好晒坐位後大家都準備入坐了

呢晚真係見人就影相，影左好多呀！

大家坐好晒後，小朋友就出晒外面準備march in，每人都有張假証書架！MC吩咐好小朋友一陣入場後要點做就開始入場了。

最後briefing...ready go! 你地係呢晚既主角黎架！

大家march in 入場了！排好隊後首先唱番首校歌

聽到佢地唱呢首校歌都有D感動架，因為呢次應該會係大家最後一齊唱呢首歌喇。。。真係好唔捨得呀。。。我！

唱完歌當然要影大合照啦

大家高舉証書，正式叫“畢業了”！！！！

同兩位班主任及普通話，數學老師大合照，呢晚相機真係眨不停呀



仲有獻花環節，D太陽花都係其中一位家長一早預訂架。

哈哈，原本叫小朋友獻花比坐自已枱既老師，但係可能真係同班主任感情特別深厚，個個另轉面就即刻隊支花比晒班主任。

老師講幾句真情說話，大家都話好唔捨得D小朋友。進入倒數階段了，仲有4日就放暑假了，真係好依依不捨呀。

呢晚D餸都唔錯架，而且份量都好夠，可能我地一枱有4個細路，所以都食唔晒架。

呢位同學仔好搞笑呀！妹妮同爸B講話 ： 佢有野同你講呀，然後猛笑。原來係同學仔話妹妮好靚女，想同佢結婚喎！！真係好搞笑呀，一直都無聽妹妮話同呢個同學好friend又或者當佢男朋友，唔通佢今晚飲大左？！不過見佢搭實妹妮膊頭影相個感覺，佢好愛護妹妮架！哈哈，不過都係講下啫，唔駛咁認真既。

入席後，唔係就咁食野咁簡單架，仲有talent show，逐個小朋友出去表演架！呢位同學表演係比IQ test，妹妮走出去答問題

有同學仔好有heart帶埋小提琴黎表演潻呀，但係大部份人都比較方便，表演唱歌，朗誦算了

到妹妮出場了，佢表演唱eternal flame呀

現場清場，我覺得佢都算大膽了。

每位表演完仲影番張家庭照先。

食到中段D細路都開始飽，走出黎玩了

睇佢地一人一機幫同學仔影相，幾搞笑！

我地仲問學校借左件畢業袍影相，每個家庭都有張family protrait。粉紅色袍真係好小有，出面都好難搵架！

Ethan同爸B玩得幾開心！

完場前仲有壓軸既學校標記。。。書包蛋糕！！

個蛋糕真係做得好好好靚呀！佢一出場個個大人細路都爭住影相呀，個做形又真係好神似，而且有好多生果圍住，真係滿分呀！！

因為Ms Skye住得遠一早要走先，淨低3位老師幫手切蛋糕儀式

好想幫妹妮同蛋糕影張合照呀，但係太多人圍住影本都影唔到

唯有遠遠地都影張啦！！

最後連牆上D波波都拆埋落黎分比D細路，大家真係盡興回家！！呢個party真係好完美，多得兩位家長，我知好多班都無搞到我地咁大陣象架，不過大家開心，細路又有個美好回憶，又何妨呢！