畢業了。。。K3畢業表演

上星期7月5日，大日子呀！妹妮畢業禮既大日子呀，不過爸B去左北京出差啊。。。我地一早Tango比爸B但又打唔到，自娛影下相先。



妹妮早排已經日日話仲有十幾日練舞咋！好似好緊張咁，因為就黎到畢業禮喇！期待左咁耐，終於到呢一日，點知爸B撞正呢個星期要出差，於是爸B張入場卷請左EE去。好彩爸B係畢業禮果日一早趕搭早機，希望趕到去睇妹妮既表演啦。幼稚園畢業禮，一世人得一次架咋！！我同EE入場，坐對正台第5行呀！開心過買到演唱會飛呀 爸B係最後一分鐘趕到會場，本來後補位要坐後面，咁啱我地隔離個位本來係攝影師擺野，於是佢讓左個位比爸B，我地3個都坐到好前，YEAH!!

學校有成廿幾班K3， 所以畢業禮都分開兩日搞架。


登登登戥！！妹妮係第一班出場架，爸B好彩走快兩步趕到黎咋！！

佢地隻舞係牛仔音樂，整體都跳得好齊架！！可惜隻舞無咩換位，無前後對掉位，妹妮企後排就成隻舞都後排。呢日帶左長鏡，點知唔zoom都好近，反而影唔到成班一齊跳既相

但係個個都跳得好好呀，成兩，三分鐘無停過架！！ 妹妮企埋位時不斷喘氣，一定跳得好出力呀，真係Good show， 不愧佢成日都諗住隻舞。

跟住仲有7 班表演，嗱，班班都唔係著我地D普通衫架！

大家表演過後，再分兩批上台唱校歌同farewell song。聽到首farewell song，真係有D感慨架，時間飛逝，由入K1到而家畢業真係好似無幾耐之前發生日樣。。。時間可唔可以過得慢D呢？真係好掛住佢細細個時既所有野呀。

唔知做咩個妹妮㕲起個咀呢？

左邊呢班大部份都係妹妮班既同學仔

多得EE今日黎左可以幫我地影到全家幅！！而家先醒起呢日掛住影妹妮，都無影其他合照呀

之後同EE，妹妮去食tea， 香蕉船真係好正噃！

EE送左盒lego比妹妮做畢業禮物，妹妮超鐘意呀！

呢D後台花絮，多得有位老師媽媽幫我地影喇！

妹妮好快就離開幼稚園同呢班好朋友，畢業禮後仲有兩個星期學返， 妹妮間中都問：今日幾多號？ 仲有幾多日同同學仔一齊？ 有時聽到都覺得好傷感， 離開左幼稚園，都唔知幾時先會再返去探下老師了， 突然有D離情別緒潻。記得妹妮K1時都見有朋友post上facebook話囡囡要升小了，離開幼稚園好唔捨得，當時我仲諗都仲有兩年先到我地，點知轉下眼就到了。。。而家到我唔捨得了。希望上到小學好快會適應，好快有好朋友啦。