可能你會問，跳繩都駛學架咩？自問唔記得細個時有無學過跳繩，但係印象中好細個已經識跳繩，跳橡根繩了。妹妮舊年去朋友仔屋企過夜，朋友仔係8歲多小朋友仲識花式跳繩，但係妹妮只可以將條繩'發'一個圈，待繩停在地上先跳過去 -___-"
到今年小一，學校有個跳繩強心既活動，仲派左條繩拎返屋企。呢排無啦啦妹妮就話要跳繩了，但係同舊年一樣，都係唔識當條繩著地一刻跳過去。
睇下d 相幾有動感先得架
跳係有跳起呀，但係timing既問題無一次可以跳過條繩。。。雖然覺得佢鈍鈍地但又幾搞笑
真係好認真不斷嘗試架！
終於係6月30日學識了！真係好值係紀念呀，就好似學識行路一樣！佢跳過條繩時真係好開心架。
Eunice:
ReplyDelete~我以前細個都好似Aerin 咁上下大學跳繩. 我覺跳繩會越跳越高!! 我跳到四,五年級都仲跳. 哈哈~~
~Aerin 跳得好好, 步觸到跳繩技巧
我都記得好細個已經跳繩，跳樓梯，跳繩跳過過自己架！見佢啱啱學跳時跳極都跳唔過條繩覺得佢好鈍 （ >_<) 不過又估唔到咁快又學識了
ReplyDeleteD相真係好有動感！haha !咁跳法唔怪之得妹妮又高左！
ReplyDeletewakakaka，d 相好有動感因為相機唔夠勁影唔切囉！好多人都話妹妮又高左，但係我地無度過呀，希望唔好高得太多啦！
Delete