閒遊沖繩 Day 4 殘波岬沙灘，萬座毛，豐見城Outlet

day 4了，明天就返香港了。呢日我地check out resort返出那霸。臨走前真係要出下個露台先得，無出過黎真係好嘥呀！

第一站去左海灘游下水，一向都聽聞沖繩最出名玩水上活動，沙灘應該唔小得呱。呢日去左旅行書話沖繩第一灘既殘波岬，第一灘咁巴閉一定好靚

點知去到原來好細架咋！仲細過尋日係美國村果個。。。最弊係岸邊的沙石又粗又彬腳，想行落水都行唔到呀！

大家都無癮，但係妹妮一向係沙客唔係泳客所以有理無理繼續玩沙！但係逗留左半個鐘度我地就頂唔住要走，寧願返酒店泳池玩好過！

雖然個池係細d，但係乾淨又舒服

帶左水底相機點都影番餐飽！

當3個都嗡晒鼻時，原來又幾似樣架噃

仲有jacuzzi浸下

玩左一輪就上房沖涼同check out了，妹妮最唔捨得就係呢度既廁板了！佢最鐘意洗pat pat，有暖水沖住佢話好舒服喎

checkout後去左萬座毛，呢日又係勁熱！一落車買左支冰菠蘿，直頭同大嶼山果d一樣！

妹妮可能攰一直話熱唔落車，有條冰條即刻開心晒

呢d係沖繩既吉祥物，全部一對對架！

呢度就係萬座毛了，景點就係呢個象鼻山，妹妮問呢度係咪叫elephant tunk hill  -__-

呢度其實係行一個圈咁就完架，不過我地影左好多張相呀

自拍神棍發揮作用既時候了

天氣好熱妹妮猛嗌走要上車，睇下佢個樣幾黑人憎

雖然天灰灰，但係都幾晒幾熱架，我地都係撤退了 

返去酒店間餐廳食lunch，原來Danny 叔叔第一日已經睇中間餐廳，lunch 意粉都係千幾円就包飲品同頭盤，甜品buffet呀，一d都唔貴呢

仲有個法籍廚師出黎猛同我地傾偈添，d意粉都好食呀

但係爸叫既海鮮飯就油左d 

食飽飽向豐見城outlet出發，本來諗住最後一日先去，但係呢日無特別節目就去行左先，呢度好多地方都有噴水霧散熱

妹妮好鐘意企係度，夠涼吖嘛！

本來朝早話幫妹妮扎丸子頭，但佢話唔鐘意，而家有自己意見，成日想點扎點扎。點知晏晝見到兩個妹妹都係丸子頭，我話：都話日本好興架啦！佢即刻眼望望

入左一間賣camping野既鋪頭，妹妮同Cheryl 直情好似去緊camp扎緊營一樣

見到入面有個豪華tent，兩個大叫好豪華呀！！

妹妮仲提議玩pillow flight

天氣太好，又係時候要買野飲解下喝

居然呢度又有打鼓機，兩個女仔打到上癮，今次呢部機仲要有frozen歌！！

爸B同Danny叔叔都手痕要落場打番鋪，妹妮比佢地仲肉緊

行完街番那霸酒店了，途中見到有彩紅呀

係那霸經過幾似呢間樹屋，唔係食咩架呢？我地又無諗過去食，如果再去沖繩，就真係要試下

番到酒店，爸B叫妹妮同Cheryl睇實d行李，Cheryl就好cool蹺實手，妹妮就居然用手牚住雙眼。問佢做咩，佢話爸B話唔好眨眼吖嘛

夜晚又去國際通晚飯

本來想去食牛，但係上次果間又係full，於是行左入內街，見有人派街招又去試下

點知有頭盤任𢳂任食

每枱都有自己獨立空間，都幾好吖

今次唔係沖繩料理了，反而有d似居酒屋咩都有得食

坐塔塔米好relax又舒服

食飽又出去行街街，但係最近唯一既商場都關門，唯有去超市逛下算了

妹妮成日要黐住Cheryl, 好彩Cheryl又無嫌佢煩！妹妮話 "咁快要返香港真係好唔fair！" （點唔fair呀？？）"因為無得同Cheryl一齊囉！" （快樂不知時日過呀！）妹妮居然話咁寧願唔快樂，可以過得慢d。。。啤！ T＿T