東京買、食團 Day3

本來好想食天神拉麵（我地一家每次去東京都食）但尋晚經過問埋老板話要成10點先開門！我地每朝都8點幾就起身，早去晚歸架！呢朝就去左附近食拉麵

呢間都有豬骨湯拉麵，都好好食架！最鐘意就係佢d半熟卵，好似糖心蛋咁，真係好好味！

鋪仔細細都攝到我地幾個影到相 ：P

呢個係黑油拉麵，應該係加左黑蒜油呱？

尋日食過呢間Mr. Waffle好好味呀，今日再行過去encore 多次，我地直情係等佢開門

尋日食左cinnamon味，呢日食earl grey味

第一站去左高島屋同Tokyo Hands, 大家都買左小小野，但係仲有地方要去，行返酒店又遠，JR d locker又被入用晒，於是我地搭左的士返酒店擺低野再去原宿。。。用左3千円呀

日本的士起標都成700円，好彩而家日元平咋！

去到原宿了，見到有人'路祭'

原宿地標竹下通，賣的都是平平地既野，有d似香港既女人街，多數都係年輕人行既，不過無逛過又點算去過原宿呢！之後我地去左LaForet逛商場，其實原宿仲有好多地方可以行，好似裏原宿，行過d又有表參道名店，但係我地無時間行晒咁多地方了

已經3點幾，於是去搵地方食晏先

我地從原宿行路去涉谷，以前都成日同爸B推住妹妮架B車行呢條路架，諗諗下如果而家帶妹妮黎，但係無左B車要行咁多路，都唔知佢捱唔捱到呀

去旅行最正就係邊行邊食！

就係章魚丸子，其實係香港真係永遠都唔會叫黎食，但係去到日本就會買下黎食，唔通特別好味？？

呢日係星期日，係原宿涉谷漫步，食下野，真係好捨意呀！！

呢條路以前無咁多鋪頭架，而家兩旁已經多左好多商鋪呢

呢d chop chop糖其實一d都唔好食，不過就真係幾靚既

Jill Stuart有埋 Wedding! 平時d衫都幾靚，相信wedding gowns都應該唔差

好快就行到涉谷了！又見到呢班路祭既人

涉谷不外係行下百貨，所以無咩影相呀。涉谷最大既馬路口，唔只十字路口，直情係星字路口呀

返到新宿食我地第二個目標。。。六歌仙燒肉！佢d牛肉真係超正，而且仲係任食！！當年日元對十，要成千蚊位，而家日元平，都係7百幾蚊

除左肉任食，仲有海鮮任食！加一千睲仲任飲添！

我地食呢個任食餐已經包括黑毛和牛，如果再貴d（2萬5円）就食松坂牛，但係呢d黑毛和牛已經夠了，太多雪花反而太油了

剩係牛都有唔同部位

而且除左燒肉仲有shabu shabu添！！

另叫的韓式生牛肉

同埋海鮮，呢餐真係超正，食到超飽呀！！