We love October 我們的生日sssss

十月都最後一日先黎寫番十月既野，真係太懶了！

十月八日係爸B生日呀！呢日爸B剛剛出完差係台北返黎，妹妮不知幾開心

本來打算同爸B趁妹妮瞓左至出街食飯，點知yaya話妹妮知道我地要出街就話NO！唔可以懶低佢 -_- 最後因為爸B唔係好舒服所以無出街，我地叫左外賣係屋企食算了，妹妮開心晒！食蛋糕嘛，仲揞住爸B雙眼要surprise佢喎！

交足戲架！

今次呢個芒果拿破倫真係好好好好味呀！！係帝苑間Fine Foods，都幾年無幫趁，好彩今年醒起佢咋

真係有d後悔唔買個大d，早知買夠兩磅啦，我地4都話正！

吹爉炾同切蛋糕，又係有人要扮主角既時候

妹妮生出黎就係比我地整盅架，係佢自己話架，哈哈哈哈！

睇佢兩個食得咁大啖就知有幾好味啦

到我同妹妮生日正日了！一早嫲嫲同大伯就黎左同妹妮慶祝，仲帶左一件蛋糕黎

居然我一啖食得出係Awfully Chocolate, 真係自己都有d surprise! 

呢日我同爸B去左拍拖睇戲，套Gone Girl (失蹤罪）又幾好睇噃！我自己已經好耐無去戲院睇戲了。呢日睇完戲去食韓餐，仲去接妹妮放學！

梨花苑既set lunch 都幾抵食架

爸B一早訂左蛋糕，我地帶埋妹妮去攞蛋糕

妹妮見到我地既蛋糕，但係佢問爸B點解唔訂朱古力Opera，真係估唔到佢唔係鐘意粉紅玫瑰而係黑媽媽既Opera -_-

呢晚我地出去食晚飯，印象中好似未帶過妹妮去食鐵板燒，就試下啦！

呢日同埋yaya去，因為我地都係十月之星嘛！

妹妮坐埋鐵板枱已經好興奮了

見到師傳開始煮野食，妹妮𥄫到實一實架

呢個炖蛋好香好好味呀

妹妮見到d鮑魚一邊煮一邊自轉有d驚，佢覺得好似殺緊d鮑魚咁，所以有d唔敢食。

但係龍蝦佢又肯試，仲猛話好味

因為係大房，有其他食客，坐我地隔離枱既居然同我地同一日生日架，都係黎慶祝生日

妹妮似孚都幾鐘意食鐵板燒咁

呢度最有特式就係有得砌生日字囉！

師傳問埋妹妮揀咩公仔，妹妮揀左鬆弛熊呀

食飽飽後仲有豆沙餅添！

呢日大滿足呀！！問妹妮鐘意食鐵板定係Morton's， 妹妮話鐵板有趣d喎

返到屋僅仲有得食蛋糕呀！

妹妮許願中。。。

而家生日都無咩願望了，希望健健康康，一切平安就夠了

當然都希望妹妮聰明伶俐，健康快樂啦！ 

又吹爉炾了！

連屋企都有生日佈置架！

10月24日，到yaya了！呢日買左Zoe蛋糕

妹妮過後話： yaya其實唔想慶祝生日架，因為佢信基督教，所唔康祝生日架。（係咩？我地慶祝左好多年噃）基督教比我地（佢學校）天主教真係嚴d架 ！（哦！）

所以妹妮話yaya都唔係好想吹爉炾喎。。。我就懷疑係因為讓比佢吹多d勒！

比利是yaya時，仲學足Boss 講野，話 ： 嗱，做好d呀！ （激死！）我地都無咁同yaya講過呀

當然yaya 知道佢係講笑啦！happy birthdays!! 祝大家都心想事成， 出年再慶祝過 ！