台北之旅 ～ Day 3 動物園，貓空纜車

Day 3，年廿九

第3日了，我地去動物園玩呀，因為呢日想去搭下貓空纜車。台北既街道都幾靚，馬路旁都有好多樹綠化城市

來了兩日，第三日才有機會搭捷運。

原來酒店離捷運站都係8分鐘左右，好快就到，仲係幾個站就到動物園，正！

去到動身園站，周圍都佈滿動物裝飾，動物園站就係正動物園旁邊。而另一出口就係貓空纜車，所以好多人都係去完動物園順路去搭貓空

其實妹妮係想扮後面隻穿山甲，facebook經常間中就會見到一篇有關穿山甲媽媽如何保護BB既文章，比人燒又打都拼命卷著身體，直至死直一刻才伸直身體，發現原來卷著的身體入面有隻BB，好感人呀，令我對穿山甲都多了份感情。

入到動物園了！其實去任何動物園都差不多

我地第一站睇完樹熊就上左小火車，原來小火車就由南去到北。我地唯有由北行番落南啦

不過呢個都算多動物了！妹妮話要drop notes，等佢返香港可以寫週記

有隻美國大水牛

估下呢度有幾多隻小碗熊？有3隻捲埋一齊架

犀牛印象中比較小係其他動物園見到，佢地真身好大隻架！

呢日仲難得見到具型陸龜交配呀

河馬又係好似比較小見到既動物之一

哈哈，呢隻係假架

呢日天氣都小小熱呀，行晒成個動物園都玩左成個上午了 

去到熊貓館就見唔到團團圓圓，見到囝囝圓仔咋！但係唔知點解我地竟然無影過隻熊貓

然後去左熊貓餐廳食晏

食完晏已經兩點多了，跟住仲有行程

係動物園入面影多幾張相就走了

雖然話動物園同貓空纜車就在隔離，但一條直路都要行成7,8 分鐘先到

去到站已經見到hello Kitty佈置了

我地由動物園坐到貓空站都係NT＄50, 真係好平呀！昂平360都好似成百蚊一位架。而且crystal car都係一樣價錢，只係條隊長d同埋d車疏d而要等耐一點。

全部車身都有Hello Kitty 包裝架，好靚呀

既然價錢一樣我地一於等耐d坐水晶車！係昂平360要坐水晶車係要貴好多架。

水晶車係玻離底，因為承重量唔同只限5人，普通車就可以6-8人。腳踏玻離底影相出來好似係水底一樣

呢程纜車其實去到好高架，而且車程都幾長，好底坐。

妹妮就唔怕高，仲企係中間添

去到貓空站了！

聽聞貓空站有好多地方可以食下tea，飲下茶。但係呢日可能係年廿九了，好多地方都好似無開門。上到山上面仲好清涼添。只有幾檔大排檔食下沙冰，麵。我地見到呢檔蔥餅好香呀

到我地了！

呢塊蔥餅加左蛋，又真係好香又好食噃！

因為山上無咩鋪頭開門，相信要飲茶要行到好入既茶檔，於是我地回程了。呢晚約左爸B既台灣同事食晚飯呢

回程時因為水晶車要等一小時，我地搭普通車算了

返到地面就向餐廳進發，是晚食火煱

餐牌上d相好靚呀，不過我地唔係好鐘意食豬頸肉無叫到玫瑰花，但見到隔離枱叫果碟真係砌得好靚。

我地都係叫正常普通野

妹妮好細個就學普通話，基本上佢講得好過我同爸B，呢晚比佢開金口同台灣人講國語。

開頭妹妮都有小小怕醜， 但係熟絡之後就可始大膽講了

晚飯後，就係最期待既按摩，連妹妮都有份！其實之前去泰國妹妮第一次去massage, 呢次第二次。個技師話咁細隻都係第一次做。因為妹妮係推油，技師為佢鋪滿熱毛巾，點知妹妮成頭濕晒好似洗完頭一樣，大家都哈哈大笑。妹妮話呢度仲比泰國做得舒服，梗係啦！有人按摩比我都覺得舒服啦。按完都成十一點了！！因為就在夜市附近，我地仲去食糖水添

呢間食愛玉仙草好多人排隊呀

平時9點就瞓著而家成11點幾，自然無晒電

任選4料，我地叫左豆花，愛玉（妹妮覺得似啫喱勁like) 同粉圓，芋圓

呢日都算充實了