來到旅程最後一天了，妹妮同爸b玩左一星期已經開始掛住屋企，但係媽me最鐘意去旅行，住多一個月都唔嫌耐呀！呢日要返香港了，諗起唔知幾時至有機會再黎就有d傷感了！有d地方你可能只會去一次就算，但歐洲仲有好多地方未去過，真係唔知會唔會再來呢度。無論如何呢個trip我地超級enjoy，而且會係一個好好既回憶。
Last day，我地一早就準備check out，唔係屋主要我地走，但係我地要把握時間仲有地方要去哦！
9點幾我地就收好行裝出發了！Bye apartment，呢幾晚過得好舒服呀！
再見荷蘭美景
呢次我地唔再搭火車了，都係的士好d，仲要係Benz，個司機著晒西裝，真係好敬業樂業呀！！
我地咁早係因為想去機場check in 左d行李，退晒稅後去KeuKenHof 鬱金香花園！因為呢個花園每年只限3-5月開放，我地撞啱時候真係無理由唔去！！而且花園從機場去半個鐘，如果從阿母斯特丹去就要經機場轉車，因此去機場時順便去埋就會最省時了！我地班機係黃昏5點所以仲有時間去參觀下。從機場就會見到去Keukenhof 既巴士，我地用Holland pass就免費上車
車程比想像中遠，剛才個的士司機仲提議車我地去然後等埋我地返機場，以佢提議相信車費起碼要150Euro至得！因為由機場去Keukenhof車程比由Amsterdam去機場好似更遠呀
到達了！！我地有大約3個鐘時間可以遊覽，呢日天氣又回暖，有十幾度，Amsterdam天氣比女人更難捉摸！
入到場當然預左係賞花
呢日係星期日，所以特別多人，好熱閙呢！
其實本來對賞花都無特別濃厚興趣，但係去到現場見到花海，d花又好靚好大，又真係幾興奮！
呢度除左鬱金香，仲有好多其他品種既花，水仙都有好多種，真係大開眼界！
仲有小牧場
遊樂場，如果有時間，係度hea 一日好休閒咁睇下花，野餐都真係唔錯架！
好多人都一家大細咁係度坐晒下太陽享受下家庭樂
連遊樂場都有miffy出現
仲有呢個遊戲好多人排隊玩架
玩完繼續影相
呢度都有櫻花樹呀！睇相以為去左日本添
唔講咁多，都係影相影相再影相
呢d BB花有自己既BB床架
呢度都有個風車呀
個花園真係好大，分開左3部份，我地無睇住地圖行，都唔知自己行左幾多
之後入左溫室部份
水仙好多瓣呀！！
D花有成隻手掌咁大架！
大概圍住花園行左一週，係時候要返機場了
其實我地預鬆左好多，返到機場先食晏，等飛機，買下手信
歐洲再見了！！其實去歐洲搭11個鐘機真係好快過，仲快過去美國，每次離開都好想好想好快再來，希望下次會係不久既將來啦！！
No comments:
Post a Comment