Easter in Europe Amsterdam Day 10 中央車站，紅燈區

4月10日，我地出發去荷蘭了！雖然呢次只停兩日多，希望走馬看花之餘可以欣賞到阿母斯特丹既美麗景色

一落機見機場已經好多Miffy野賣，呢度係Miffy既家鄉呀！見到呢d芝麻街帽唔買都試吓啦

荷蘭係花國，機場都有唔小花店呀

等左成大半個鐘先有行李呀！！我地今個旅程每次由機場往返城市都搭的士，一來安全d，二來3個人車費都唔會平過的士好多。。。但唔知點解呢一日就咁戇居走左去搭火車？？？足足搞左成個幾鐘至去到apartment，計埋轉車既的士＄真係賠晒！！！

搞到成5點先去到apartment! 仲要我地遇上搵笨的士司機，原來由Central Amsterdam來Jordaan區只需7歐車費，但係司機兜路兜左成16歐呀！激死！！

不過間Apartment好大好正呀！！一入門口就係廚房飯廳

上半層就係客廳，屋主仲鋪左張air bed比妹妮添！！妹妮話呢晚唔同我地瞓要自己瞓

擺好行李，望下地圖，其實Amsterdam唔係好大，住係大半圓形入面已經好近市中心好方便了。正中位置就係紅燈區，藍色果個就係Central station了。我地住係左上角既Jordaan區，呢區好似soho咁有好多特色小店。我地行到去Central Station架（約十零分鐘），不過附近Jordaan區都有好多小店，好多野行，我地就週圍逛下

我地apartment一行出去就有條運河

呢度d樓全部一間間黐住晒，因為好多都幾百年，所以無電梯，要行條又長又斜既樓梯，所以我揀租屋時都要揀住地下或最高一樓就好了。

據聞荷蘭無咩特色食物，上網搵d人都係推介食印尼野，越南野咁。。。我地逛逛下見到有間pizza入去tea 一tea

荷蘭第一餐，pizza都唔算貴，12歐一個，仲有舊麵粉比妹妮搓！幾抵玩

因為又未係晚餐，所以叫一個一人食d就算，點知呢個white truffle with ham 既pizza 超超超超好食！！！！香到不得了，d 火腿有d似parma ham，真係好正！！

妹妮就搓得過癮

廚房仲幫我地焗埋出黎比我地食添，不過無料的

我地買左holland pass，今晚就去坐船遊運河！

 沿路行都係呢d又窄又斜既樓，都算係呢度一大特色。而且每幢都不盡相同，自己都好有自己既特色。而每幢頂部都會有個勾伸出來，因為無電梯關係，如大件傢俬就要用呢個勾掉上樓，經𥦬口入屋了

所以d𥦬口多數都好大

船屋都係Amsterdam另一特色，有d有人住，有d就改成餐廳

另外週圍都好多人踏單車架

去boat trip centre換左票就上船了！

呢日天氣好好呀，有成19度！之前睇天氣報告呢度應該比巴黎更凍，但係呢日又好暖，連褸都唔駛著

 之前去巴黎都有得坐船遊塞納河，但係諗住去荷蘭必做啦，無謂嘥＄

個boat trip有船長講解下阿母斯特丹歷史，介紹下週邊風景，成個tour要一個半鐘，而且有幾個stop 可以隨時落船，都幾方便

我地就坐到central station 落車

呢度就係central station，我地搭完火車就黎左呢度轉左架"黑的"！

爸B來荷蘭之前又話要買下大麻食，點知黎到又唔敢試，但係我地都趁天未黑去左行一趟紅燈區。英文名真係叫RedLightDistrict架

其實由中央車站行入去都唔係好遠

到喇！！！

原來紅燈區因為有好多𥦬口都圍左紅燈，天黑時淨係見到紅燈所以叫做紅燈區。而每個𥦬入面都坐左一位著比堅尼既小姐，就好似廚𥦬揀衫一樣。

爸B都要係度拍照留念

妹妮都有問d小姐係度做咩，爸B就話佢地比壞人捉左，要比男人咸濕先有飯食，所以叫妹妮要拖實我地唔好走失呀！

除左去左紅燈區，我地仲經過China Town，Amsterdam 個唐人街好似係歐洲都算出名，但係其實個啓人街都好細，而且呢個市d大廈本身又逼又窄，就咁望都有d似紐約既舊China Town。

 由唐人街行返去Jordaan區都係15分鐘左右，於是我地慢步逛返屋企

見到呢d Waffle 好靚，相信應該好甜

呢度週圍都有Cheese museum，其實係芝士店賣芝士，但係有大把試食供應

因為咁晏先食tea，其實又唔餓，但係夜左又無野食，於是去超市入倉買下野食

 

行到夜了，妹妮都嗌攰！

跟住我地仲外賣左越南河粉返屋企嘆，又的確好味噃！

妹妮就貪得意話要自己瞓，但係張air bed床每郁一郁都沙沙聲點瞓到吖！

扮下就得囉！