7月29日我地出發去曼谷了，呢個5日4夜自由行package超抵，暑假旺季未連稅都係$2999包機票＋酒店＋早餐，就係因為咁抵所以先至成行！爸B因為係宅男唔鐘意外出，上次去歐洲十二日，到第七日已經想返屋企，所以呢次就話唔去
好彩我地有伴，約埋EE同姨丈向曼谷出發！！
對上一次去曼谷時妹妮仲係媽me肚入面，當時已有6個月了，所以妹妮都勉強叫'去過'曼谷，呢次就真係自由行可以自已行來行去了！原來機程都係兩個鐘多小小咋，但因為空中管制，我地係曼谷上空盤旋左大半個鐘至降落，到酒店都5點幾了。
走到酒店見到個大堂都幾靚吖，仲以為有雪糕食點知有朱古力蛋糕招待
妹妮當然不客氣自顧自食
check in 後我地攞到雙連房，今晚妹妮實走來走去搞搞震！我地休息左一陣就出去搵食，呢個trip預左勁食勁揼呀！
酒店行出地鐵都係8分鐘左右，Asok站就有Terminal 21 大商場，都算幾方便呀！
我地仲去T21 上面間spa book定星期5晚按摩！
曼谷天氣比想像中好，幾日都係25，26度，比香港仲涼爽無咁熱！而家BTS已經好方便，記得以前黎多數係搭的士，而家d的士好多去近既都唔肯by meter要講價。
第一站係搭左3個站去Mercury Tower食朋友推介既Savoey食泰國餐
我地點了地度Thai iced tea，妹妮就叫了菊花桂花，飲落好清香架！
咖喱蟹d汁定蛋？好好味呀！！不過蟹就小d但係收費唔貴，都係600銖（而家泰銖對港幣約4.4. ～HK＄136）
鮮蝦刺身
Phad Thai，但係妹妮話唔鐘意食甜甜地既粉，粉係應該鹹喎
呢個烤鴨就一般，乾左小小
EE＆姨丈
青咖喱雞
炸魚
炸蝦餅
d咖喱蟹一d都唔辣 所以都食到蟹，連青咖喱初頭都話有d辣跟住越食越多
第一餐已經好豐富了
食飽飯返到T21 ，我同EE去左quick shop，妹妮同姨丈牚枱腳食Swensen's雪糕，呢個又係去泰國或日本必食的！
行返酒店見到香蕉pancake呀！！！又係幾飽都要食架！！
呢樣都係去泰國必食架！pancake煎得好香，好好味呀！！
第一晚我地成十一點幾先瞓，妹妮平時8點半就上床，理應好眼瞓，點知第二朝佢6點幾就嘈醒晒我地！唯有一早7點就落去食早餐
食完早餐返房休息一陣，媽me再瞓過，妹妮捉住姨丈捉棋，好彩有姨丈陪妹妮玩咋！
接著上天台游水
泳池唔係好大，好彩無咩人
妹妮最鐘意就係落水玩！
姨丈幫佢影水底相
沖完涼整裝後出街食lunch，見酒店tuk tuk返左黎梗係搭tuk tuk去地鐵啦。妹妮成日幫左tuk tuk 係'吉吉'，好明顯佢腦入面係以動作做記認 (篤篤 -->拮拮）
有車搭好快就到地鐵了！！不過d地鐵自助買飛比較笨，要逐張飛買好小站有一次過買多張飛既櫃員機。
下一站Emporium，呢度好新好靚
商場入面都有好多本地牌子，不過本地設計一d都唔平！但係比係香港個個商場都係一樣既鋪頭，呢度好行好多，雖然最後都無收穫
呢個counter d 衫都幾靚呀，但係無減價要千幾蚊一件真係唔平
去到泰國我地都去Greyhound潮聖，平時我地係香港都有幫襯，妹妮都好鐘意食呢度d野。但無諗過要係泰國都食，不過EE話泰國好味好多所以黎左，呢餐無失望呀！
柚子沙律，單骨雞翼，炸春卷
蟹肉意粉妹妮話正！
姨丈一人鯨吞漢堡飽！
帶子意粉都好正，帶子煎得好香！
次次我地飲普通野，妹妮都叫特飲，而每次都好似好飲過我地果d
甜品走唔甩！
食飽飽，慢慢返去Asok站，我地去做massage呀！呢間叫Urban Retreat，EE幫襯過話好的
d房都幾雅緻呀，呢日做左香薰按摩，妹妮話好舒服但竟然話無瞓著
第二站係Asiatique，呢度要搭船去，上船後天色開始黑了
有得搭船妹妮好與𡚒
埋岸了！
呢度係一個有冷氣既翟度翟市場，好多商店。我地無去翟度翟，唔知果度係咪平好多呢？
一黎到天開始黑同落毛毛雨了
行左入個食既市場，入面好多野食呀！
椰子雪糕好似好正呀
用椰殻做雪糕杯架！
呢d番皂好香呀！！我地每人買左幾件，返屋企放左係廁所d香味香到出房門口都聞到呀！我地無咩特別收穫，係妹妮反而買左兩條裙！
行完市集我地去左間bar唞下，呢日無酒買，所以妹妮都入得
妹妮叫左西瓜汁
後面呢個哥哥唱live好好聽架，就咁聽都聽唔出佢係泰國人
再行多一陣就去食晚餐了
同事都提過碼頭附近幾間餐廳都唔錯，EE佢地又食過，我地就入左一間Capri
有pizza爐，又幾正宗噃
未有餸我地自拍一番先
妹妮話成個trip最好食係呢個意粉喎
我地超鐘意呢個泰式蜆肉意粉，好野味呀 ！
Pizza都不錯
開餐了！！
妹妮最鐘意將d芝士扯得有幾長得幾長
離開時仍然落微雨，本來無打算坐摩天輪，後來妹妮返到酒店時先話其實想坐，又唔一早講！
夜晚既Asiatique影相都幾靚
返酒店前，本來仲想跟EE同姨丈行超市，但係最後太攰頂唔順要返酒店覺豬了
No comments:
Post a Comment