817 曼谷四面佛對開大爆炸做成多人死傷，我地去完返黎無耐聽到呢d消息都為當地人擔心，希望傷者盡快康復，死者得到安息。呢d恐佈襲擊真係好討厭，點解成日要傷害無辜既人？有勇氣不如做d更有建設性既事好過啦。回想月頭去曼谷玩真係身心舒暢，希望曼谷好快恢復平靜！
第3日算係瞓得晏小小，8點幾先醒，我地食完早餐又去游水！雖然泳池唔係好大，但係勝在無咩人游，我地霸晒個池咁滯
梳洗後又出去覓食之旅，行過見到呢d好舊式既雪糕車，不過唔敢試，影下相算了
街邊真係有好多好平既小食架！
我地酒店附近有間Health Land係做spa，按摩既，我地經過順便book埋。呢度成座都係Spa House，真係好pro咁
再行遠小小就係The Local，係朋友推介
呢間餐廳都幾有特色，自成一角裝修都算古雅
係食地道泰菜，不過有d辣左小小，好彩妹妮初初唔肯食唔算辣既青咖喱雞，後來越食越多
柚子沙律
東陰功同炒雜菜
黃咖哩蟹肉，叫左小辣點知最辣
青咖喱只算小小小小辣，後來妹妮都猛話要食
泰國d芒果真係超甜，好好味呀！！
有d古色古鄉感覺，食左個好relax既一餐
食飽飽後其實無咩mission，係想去hello Kitty House唧，我地行返出BTS站
其實呢個trip之前無特別準備d行程，都係食下hea下。去到Siam Center，唔知點解大家都好眼瞓好攰咁，我地又去左Greyhound 坐底叫d野飲，然後妹妮同姨丈係度休息，我同EE出去商場快行左一個圈
泰國Greyhound 係好食過香港既，妹妮特別鐘意d特飲
我地路經呢間餐廳，見入面專食甜品如waffle，蛋糕，好想去試下呀！
d蛋糕好吸引呀！！後來見到Siam Paragon門口有d好似Sunday fair咁賣衫攤位我地又行左一陣
逛左一陣終於搵到Hello Kitty House了！！又唔似香港要排長龍，好快就有位了！！
商場門口有隻大貓標記
入到去餐廳了，小不了週圍都有Kitty裝飾，我本人其實唔係Kitty fan，不過朋友提過呢度幾靚啱小朋友所以先黎
d食物都係Kitty造型
見到櫃枱放出來的食物賣相都精美
我地食左咁多餐，所以叫了蛋糕算了。呢個彩虹cheese cake有點魚膠味太重，小左芝士味
七彩海綿蛋糕
七彩crepe cake ，其實蛋糕都不過不失，但唔算好好味，試過就算了
來到Kitty Cafe，最重要都係博命影相啫（哈哈！！）
原來樓下仲有精品店同nail spa同按摩 架，不過朋友話個Spa麻麻地所以無打算幫襯了。 而精品係慣常的吸睛，可怕無用所以無買過
完成任務我地行左去四面佛，雖然唔係潮聖，只係想比妹妮睇下四面佛係點，不過見好似無細路入去我地就係天橋上望下算了。跟住就去左林真香買手信
仲按埋腳添
返去Siam Paragon求其食過晚飯，本來想去建興酒家，但係門口一條人龍，都係求其食算了。其實全日都好似無做過咩，但係時間好快就過，我地入左一間叫Kloset既餐廳。d野食都幾好味噃！
炸豆腐
fusion小辣既意粉
蝦炒飯都好味！
煎三文魚pesto 意粉
呢個炸蝦餅就好香口！
最後呢碟蜜糖雞翼我地要打包拎走
最後一站就係一早預約左Let's Relax 既按摩
吩咐好按摩師細細力拑下妹妮就得，妹妮按到瞓著左！d大人個個哈哈笑覺得好搞笑
爽呀呢！
扎住孖辮著住套超大碼衫反而好似中國童話d細路，成個哪吒咁！
做完按摩有甜品食！呢度d芒果真係食極唔厭！
返到屋企仲搞住EE同姨丈，快d瞓喇！！
No comments:
Post a Comment