show下妹妮Ｄ騎呢相先，有珍寶珠食，不顧儀態了，你睇個口擘得幾大！
最近妹妮開始識顧住自己，成日話how about me? 好似怕人留低佢個份咁。
可能又係睇Barney睇得多，又會叫hey guys咁嗌我地。。。當我地係同輩一樣。有日我地著好晒鞋要出街，佢又慢吞吞見到我地著好鞋就嗌：hey guys, wait for me!!! -_-" 真係比佢吹脹！
前幾日買左件新tee比妹妮，著起當裙仔著，好鐘意呀
包包面，低炒影相時往往都有個漲爆面入鏡
坐車都可以自娛，其實妹妮自幾個月大起已經成日牚手牚腳，有無窮精力。我都親身試下好似佢咁逮起隻腳，不過十秒已經攰到爆，細路仔真係唔同Ｄ。
叫佢去街街著鞋，成日都走去著我地Ｄ鞋。而家識自己著簡單款式既鞋了，好似涼鞋只貼個魔術貼就無問題嘞。
有Ｄ自戀傾向，只要比塊鏡佢，就可以自娛一番自己同自己玩一大餐
表情多到你唔信
我地又出發去街街飲早茶喇，已經好耐無用架Ｂ車了。因為而家多數都係去下商場，又唔係行好耐，不過有時妹妮都會扭爸Ｂ抱抱架，仲扭到累地。
有得抱抱即時開心晒
見到世界盃大足球
仲見到汪若琳採排唱歌，雖然係採排，不過都無咪嘴，真係唱噃，只係細細聲慳住Ｄ氣黎唱。
天色咁好，個景又靚，同妹妮影相先
而家成日都weekend要返工，放假得番兩父女相依為命，真係好想同佢地一齊去街街呀。
妹妮鐘意Ｄ粗魯遊戲，自細都鐘意比爸Ｂfing來fing去，玩飛飛都唔驚。而家就鐘意爸Ｂ好似跳拉丁舞般fing一圈。
去到鞋鋪睇下鞋仔，妹妮自動向黃色同綠色埋手。呢兩隻係佢近期最鐘意既色。細個時只係鐘意綠色咋，而家又多埋黃色。
去到反斗城例必推番架小童車。
不過見到有ＢＢ單車又無賠低走上去玩一番。
最後見到有遮就hyper，開住把遮唔停口係咁唱，爸Ｂ見把遮幾靚最後都買左。
