２Ｙ９Ｍ＋Jessie生日會

呢排真係好忙，搞到成日都update唔到，灰！

連妹妮２Ｙ９Ｍ生日都無時間同佢去玩下慶祝下。

又大一個月，不過生活上無點改變。之前買左個飲水樽諗住會戒奶樽飲奶，但係用左兩日又用番奶樽。而家仍然係３奶兩飯/麵，朝早想比其他野佢食代替飲奶，但比個包佢，每次都係咬兩啖就行開。平時食晏同晚餐卻又可以成碗食得晒！！

發展方面其實無點特別顯注改變，係多野講囉，永無停口，識同你對答，有問必答，唔識的話會諗一陣然後話I dono。又識表達自己意見，又可以講番所發生過既事，記性都好好。

如想咁古靈精怪，扮鬼扮馬，不過我發現佢真係開始怕醜！見到陌生人就會呢埋去我地後面，叫極都唔肯開聲叫人，只肯揮手扮矜恃。係屋企就開籠雀咁we嘩鬼叫！

好彩２Ｙ９Ｍ生日當日要返音樂班，去到商場yayaGigi帶妹妮去睇下鞋（可能佢自己想買）點知妹妮走去小童鞋corner執左對鞋，又話要試，試完仲話want to show to mami and daddy! -__-"　yayaGigi話呢對係last一對，個老板話係堅迪士尼貨，仲由＄１８０減到＄５０，所以yayaGigi就買左比妹妮，仲即刻著埋去行街市潻。據yayaGigi話鋪頭有好多迪士尼鞋仔，不過好彩妹妮識揀揀著對有大減價，正價就唔會買了。我又覺得對鞋都幾靚噃，比我都會揀呢Ｄ色而唔揀粉紅色喎，不得不讚妹妮有taste呀！！

講番上星期５(6/18)，校車個auntie Cherry個女開生日會邀請妹妮去，我地好小有生日會去，有人請硬比面出席啦！

點知遲左１５分鐘但係主人家都未到！我地唯有係會所內搵野玩

唯有入去playroom玩完，嘥下時間啦

聽到主人家到了，同埋其他一齊早到左既小朋友一支箭咁著番鞋出去

妹妮等到好心急，猛話I want to go to party!!!  我夠知啦，弊在主人家都未出現嘛

終於都到了！！！妹妮即刻同auntie Cherry say hi 先

同壽星女Jessie影番張合照先啦

一入到房就hyper，玩埋體操-__-"

全部食物由auntie Cherry自家製架，而且都好好味，我地當晚飯食埋潻

大部份細路都係４﹣７歲，大家都係自己同自己玩，大個Ｄ的都有幾個一齊玩。妹妮就有個波波就夠，自娛一番。

著左新鞋仔去party呀，一雙豬腳仔。

無耐見到auntie Cherry攞個咪出黎仲話I want to sing潻，於是搶左個咪盡情唱，唱左幾首首本名曲，又唱生日歌比Jessie聽，Jessie又唱比自己聽，一齊jam歌。

真係好有勇呀，奇在一Ｄ都無怕醜噃

嗱嗱，唱生日歌同人賀壽喇，仲好似開演唱會咁同人揮晒手潻

嘩，stitch生日蛋糕呀，好得意呢

個個細路見到個蛋糕都好似馬蟻嬲蜜糖一樣走晒埋去

同Jessie影相，我要成日叫住don't touch！驚佢一手叉去個蛋糕呀。

大合照！

成班細路都想去吹爉炾

分到蛋糕硬係食番夠本啦

之後又追住人要搣人個鼻，呢個女仔大妹妮一年，但係都無聽佢講過一句野，妹妮係咪真係好多口呢？

玩到差唔多９點，我地又要bye bye了，臨走同Jessie，auntie Cherry及Jessie爸合照，多謝邀請呀。