等到頸都長，終於都等到今次旅行了。本來係四月份去的，因為上次落雨關係所以取消了，一延就延了個幾月先再搞。呢幾日天氣都好不隱，都驚又再取消，好彩今次去得成！！ＹＥＡＨ！！
妹妮知到今日會去beach已經開心左成晚，見今日有mami同yayaGigi一齊同佢上校車，不知幾興𡚒
一齊返到學校，妹妮急不及待帶我地入佢班房
入到班房就周圍搵野玩
開心到瞓埋地下！其實真係好想裝下平時上堂既妹妮係點，今日就好開心又唔怕醜嘞
明明話８：３０準時出發，點知都係等到９點先行。行緊去上校巴時，妹妮一手拖住我一手拖住yayaGigi，離遠見到校巴在上客時居然向校巴大嗌: hey! wait for me! 驚死人地唔等佢 -___-"
今次邀請兩位家長/helper一齊去，可惜爸Ｂ要返工，我同yayaGigi陪妹妮去啦。
搣手踭搣得幾得戚幾過癮！
每隻手搣一隻手踭，肉緊到佢？
傲了４５分鐘，我地本來去大浪灣但係沙灘關弊了，等我以為黎到都會取消，好彩改去石澳，個沙灘又無關。妹妮一落沙灘就即刻話要除鞋，上年佢仲好驚踩到沙架，一踏上Ｄ沙就驚到要抱喇，今年大個左，勇敢好多呀！
坐低無耐就即刻show off件新泳衣！朝早只係飲過奶，所以無咩肚腩仔
唔知點解擺左個咁騎呢既pose?
今次係學校年度大旅行，幾班一齊去架，所以人多勢衆
妹妮等唔切，一味話要跑去個海！其他人仲坐晒係沙灘warm up 緊咋！
叫左好耐先肯玩下沙，你睇今日幾大風！！吹到條辮都飛起，都係唔好落水住喇
留係岸上玩下先啦
玩下玩下直程一手嗱起成舊沙
幾個同學仔一齊拖住手仔踢水，個男同學就係妹妮成日話比佢打嗰個ka wai喇。今日佢地好friend呀，老師話ka wai is everyone's best friend until they pushing each other。
玩完水又玩過沙，３個呢左入個大𥥖窿
不過妹妮都係鐘意玩水多Ｄ，成日想去踢水，今日Ｄ浪其實都幾大呀，有白頭浪！
哈哈，周yayaGigi玩賽跑
呢張唔知點解影到個怪pose，睇個樣一定係扭緊計喇。
玩左個零鐘水，學校就分組玩集體遊戲，首先用下巴夾豆袋，兜過幾個雪糕筒
你睇妹妮好似行catwalk咁連肚仔都縮埋
之後玩拔河，開頭妹妮都唔知玩咩，戇居居企係度
開始扯大纜時妹妮有Ｄ反應了
玩得幾投入！仲遞晒腳咁，真係有份扯架。有幾個小朋友唔知點解扯扯下大纜玩到喊，妹妮算叻妹，一Ｄ都無喊
扯完大纜再去碌波波，其實開始有Ｄ毛毛雨了，不過大家都無理，一於繼續玩
妹妮原來玩到申晒脷架，可能好緊張呀
跟住再玩揚彩毯，yayaGigi幫我地影左張下半身
睇番上半身妹妮其實好比心機‘揚’架！
最後玩浸海綿搬水，張Ｄ海綿揸晒Ｄ水出黎
今個旅行妹妮勁happy，所有活動都參與，因為有幾個小朋友玩玩下無啦啦喊架！
玩完遊戲我地見仲有毛毛雨就各有各執好行裝去沖身，搬竇，我地搬去樹底避下雨，食埋個晏仔。
可能玩左成朝，妹妮好似好肚餓咁食左兩碟意粉，肚腩仔就出番晒黎。回程時玩左成朝既妹妮無耐就瞓著覺豬了，我地報左暑期班，希望到時再有多一次旅行去啦！
No comments:
Post a Comment