初七人日遊志蓮

諗住都係唔去商場，所以同妹妮去食魚蛋粉。

但食完去邊呢？唔想又去商場，不如去迪欣湖吖？爸Ｂ又嫌遠。去公園又無太多選擇，Elements公園上星期先去過，九龍仔更加成日去。而家有細路唔可以再成日行商場了，要諗些益智些的地方去。突然想起志蓮淨院不如就去行下囉，橫掂未去過！就這樣去了鑽石山。

公園部份叫南蓮園池，睇來幾清休噃。去到門口覺得無去錯！入面應該幾靚。

這裏好多羅漢松樹，地方幾靚，等妹妮活動下啦！come on，快過來咪me處！

羅漢松樹同日本見到的應該一樣吧，Ｄ針葉好特別呢，好優雅。

有座大屋便入去參觀

妹妮每見到樓梯都鐘意自己上落。

館內嚴禁影相，原來是解構唐代建築的博物館。特色係全部用筍位裝鉗，成座大屋無用過一棵釘架！

鳥語花香，好似置身郊外一樣。

　妹妮又開始扭計仔要抱，可能行得耐呱，咪me 啜啜都唔制。

有山有水

好似去了日本的寺院，其實好多日本建築都係參考唐代建築架。

又自製全家幅，諗住些樹枝襯扥下，點知架相機居然focus去了樹枝處，人物就‘out foc’了...變了人矇影清。

魚塘入面有好多好大條的錦鯉，成尺長有多，妹妮睇得入神！

再來全家幅

有瀑布，有水車，這個公園影相一流，所以有好多攝影友周圍影相。

因為妹妮好攰，爸Ｂ抱住佢更攰，所以兜了一個圈便閃了。離開時見對面淨院有舞獅，即時吸引妹妮目光，妹妮即‘wow...wow’聲（wow...wow代表獅子叫聲）

今次短短一遊，不過總算無來錯。早知就來食埋齊，我最鐘意食寺院的齍，應該差不到那裏的！原來套餐都係＄８５一位，ＯＫ吖！就等下次再來食齍