終於有一日真正放假了，加上今日yayaGigi都放假，所以一早plan好節目同妹妮去街。每星期六晚妹妮都同我們瞓的，雖然有鋪床比佢，但係每次都瞓到半夜就要上我同爸Ｂ張床。雖然雙眼合埋，但又不停碌來碌去！今次算乖，只碌了一陣就瞓得淋淋了。
妹妮今早仍然有時計般的準時７點起身，見咁早爸Ｂ提議去飲茶。最鐘意係幫妹妮揀衫，就好似以前幫自己的blythe換衫一樣。今日呢件好可愛，又係姨姨出差時在baby gap買的，可惜baby gap又不寄來香港呢
呢件係３歲碼，出年著應該會貼一點fit一點，不過已忍不住要比妹妮著了！
呢件係３歲碼，出年著應該會貼一點fit一點，不過已忍不住要比妹妮著了！
出門口例牌由妹妮㩒𨋢，自己揹返背襄，好襯套衫呀！
點知去到間茶樓都未開門！我們唯有去室外逛，等茶樓開啦。
好彩距離茶樓８點鐘開門只有十分鐘，逛完室外再逛關晒鋪的商場。見有麥當勞叔叔就去影下相，妹妮未食過麥當當，都唔知佢係mud水。希望將來妹妮亦唔會扯住要去麥當當啦！
終於開門了，我們係第三枱客，爸Ｂ話呢個屋苑Ｄ人都幾懶！
呢間茶樓勝在有位同靚景，食物都ＯＫ
返屋企休息一陣就去拜山，妹妮鐘意睇書，連咪me的catalogue都睇。我就用catalogue教識她bag，eye glasses，dress了。
鏡頭一轉，已經瞓完覺豬去完拜山（公公話拜山唔好影相嘛），車埋姨姨，姨丈同公公返屋企，順便食個late lunch。
妹妮每次同親朋出街都會表演認圖，認字啦，認眼，耳，口啦。而家就執住公公隻耳話‘ear’
因為尿尿漏濕又無帶士啤褲，唯有去商場內的鋪頭買條褲仔。點知同姨姨都比麵飽超人吸引了，買了褲仔仲買埋衫仔。即買即著，否則要露出雙肥美肉腿。本來扭計要抱的妹妮被爸Ｂ盛讚條褲靚要自己行便好似行catwalk般自豪的大踏步！
件衫的麵飽超人公仔係貼上去突出的，唔係印花架。呢件係９５碼，希望著埋出年！
跟住去探ＢＢ，因為順路想drop低份小禮物，只有我同妹妮去同ＢＢsay hi。但ＢＢ覺豬我們影完相便走人。ＢＢ而家個多月大，７磅半，令我諗起初出世的妹妮都係７磅多，當時就係好似ＢＢ咁細粒嗎？不出年半已經大舊到咁？！
再去多一場探太婆便回家了，今日太婆精神一Ｄ，妹妮仲表演跳舞，因為咪me唱歌，令呆滯的太婆都笑了。
No comments:
Post a Comment