眨下眼妹妮歲半了，距離ＢＢ愈來愈遠，不過在咪me心中永遠都係ＢＢ。我覺得兩歲後就無人會再續個月的數歲數了，所以趁仲有半年數我一定不會放過！
歲半妹妮開始了漫長的返學生涯了，不過暫時每星期只返兩日。返學後妹妮對群体唱遊好似無咁抗拒。
同老師一齊玩
睇住佢自一歲後的變化好大，學習快好多，識講多好多，仲唱埋歌仔，覺得妹妮好快會大個，我們好快就老了。
而家仍然係１日５餐，３餐奶，兩餐粥，加間中有生果，餅乾等零食。
有時帶佢出街都會比街外食物妹妮試食，不過暫時仍未可以代替正餐，因為每次都只會食幾啖就停口。
妹妮好鐘意飲湯，成日見湯就soup soup的嚷住要飲。本來是好事，不過我諗起肥肥話欣宜細個勁鐘意飲湯，開始擔心妹妮會唔會變成欣宜細個時般大件頭呢？
非正式數據，妹妮而家重27.6磅，高87CM(呢個pose正係唱緊twinkle twinkle little star時的動作呀）
初次戒片，yayaGigi夠勇無比尿片，只係耐唔耐比妹妮坐厠所逗下佢，終於都試過懶濕褲仔。因為妹妮一早已學識急唔唔會叫poo poo，所以都只係擔心懶尿啫。有次爸Ｂ見妹妮企住突然單腳提起鬼揸的叫，原來係懶濕了。之後妹妮急親都會好似要唔唔咁叫‘poo poo呀’，不過仍然未能次次比到提示。
好似呢次尿濕她便會成日想冚住個pat pat
另一樣最鐘意的就係每朝到我房‘doc doc’敲門，入來hug過我後便會大叫‘see V’要睇ＴＶ。而家睇一陣新聞就會睇半個鐘baby first，已經會跟住電視的音樂唱歌了！
前日咪me訂的gymboree到了，妹妮好奇想拆箱。
拆開後見到咁多衫衫直情把衫衫fing來fing去，因為大減價所以一口氣買了十幾件items，不過真係好抵買！
都話鐘意波波咯，一見波波就算印上衫都唔放過即刻笠過頭！
歲半生日無買蛋糕，不過買了幾件西餅，妹妮卻又無點食過
No comments:
Post a Comment