前日yayaGigi話開始訓練妹妮戒片，而家每個鐘會抱妹妮去厠所wee wee，今日全日只用了兩條片咋！當然妹妮仍未叻到急尿時會出聲，她暫時只會在急唔唔時嚷著poo poo吧。因為而家妹妮多數著夾乸衣，所以除褲仔就麻煩Ｄ。於是yayaGigi話要買一些單件上衣，方便除褲仔。一聽到要買衫比妹妮，咪me即時雙眼發光！呢個重任咪me當然不付所托啦，簡直心情都興𡚒埋一份。中午出動為妹妮搜尋上衣，今次只買了小數件。有帽hoodie著起好cute架！仲有條扮牛仔褲legging，係skinny jeans黎架。豬豬衫就因為平所以先買。
之後仲比我發現呢個新到貨品，係奶咀Ｂ奶粉袋！我好鍾意hysteric miniＤ衫架，不過對ＢＢ衫來講太貴了，只可以耐唔耐買一件。
sales姐姐話呢個袋係限定版，不過吸引的是它可以作tote或斜揹！米白色係帆布面。
而且仲係雙面的，印花係ＰＶＣ面，即係可以變出４個look，正!
妹妮好鐘意搣手踭，成日elbows elbows的叫然後猛扯你隻手踭去她想要的位置搣搣。我同yayaGigi都話妹妮從來都無一件特別鐘意的物件，例如一張毯，枕頭，公仔等。反而給她一個elbow，就可以讓她瞓得安然。
仲有呀妹妮今日識自己唱歌呀！平時朝早睇國際台的baby first節目，有一節係個卡通人物每出場都peek-a-boo i see you的唱，而且有揞眼動作。上星期開始妹妮一見呢個公仔出場就會做peek a boo揞眼動作，不過卻經常揞咀變飛吻。今朝妹妮就係睇睇下新聞突然自己唱'peek a boo, i see you' 仲有埋飛吻的動作！！妹妮又進步了，真係好鬼cute呀！！
相信個袋袋都唔平哦~!!
ReplyDelete不過女人天生購物狂....為左襯埋個女...間中癲下又無妨既~!
[版主回覆12/17/2009 20:56:00]哈哈，媽咪為左同個女襯埋，癩下都無妨，個袋唔係好貴啫。