我們的第二個母親節

今日母親節大晒，所以報導今日豐富節目先。妹妮更係要著返件I LOVE MAMA應下景啦！

逄星期六晚我們都同妹妮同房，呢晚半夜４點幾妹妮已經醒了，仲要飲milk milk！飲奶後諗住肚仔飽晒應該好易瞓，點知碌到成６點幾先瞓得著可想而知我無覺好瞓。

朵花同咪me一樣未慶祝母親節已經殘爆 -___-"

一早眼矇矇的便起身去朗豪坊跟嫲嫲，姑媽，大伯等飲茶。

因咩咁開心？因為有鏡照囉！

仲學人扮打噴嚏，‘克超’時仲會用手巾掩鼻

飲完茶，妹妮最鐘意搭電梯，平時明明要抱一去到電梯即刻要落地。

趕返屋企後就去第二場...妹妮朋友仔Tali的生日會！！妹妮第一次參加生日會架，所以爸Ｂ星期六帶妹妮去反斗城買禮物。（生日會下篇再講）

去完生日會返屋企nap nap，而家已經唔駛暗妹妮瞓了。只要擺她上床，妹妮自動會碌幾碌就瞓得著，一覺瞓醒已經３點半了！

覺豬完爸Ｂ提議今晚帶我們去食‘日本菜’慶祝母親節，好，日本菜Ｉlike!! 先行一陣街街先。我同爸Ｂ都好鐘意行家品部架！鐘意呢張櫈，不過屋企又無位擺，就抱妹妮上去影下相吧。妹妮又出奇地enjoy，仲識自動波up前up後！

呢張大得滯，rock唔郁

見到兒童panton，又識拎起個價目牌試坐，妹妮真有taste!

去百貨公司真好，咩都可以試一餐，試坐完designer chair又可以試戴太陽眼鏡，真正！

去海港城都離不開附近的兒童部，而家認得Mickey見到幅牆就會叫Mickey!

呢間鋪好識do，有兒童專用出入口

哦，原來日本野係指迴轉壽司...

等位時見有空地妹妮盡情奔跑，爸b仲同妹妮玩fing fing

玩到個傻妹又尖叫又大笑，妹妮由細到大都好鐘意爸b同佢玩Ｄrough games，拋來拋去，fing 來fing去無任歡迎

有位了，不過無卡位，我們便三張椅泊埋一齊變梳化

咪以為妹妮濟坐，每次都會叫蛋蛋壽司比妹妮架，佢仲會食豆腐同燒魚潻。開餐必備的仲有神奇畫板！

食飽飯再逛街街，你睇爸Ｂ雙腳幾長！

哈哈！雙腳係假架！！爸Ｂ邊有咁高噃，當然佢就想啦！

＊＊＊＊＊＊＊＊＊＊＊

講返星期六

一早見連咪me張床都換埋床單即時無蝕底上去碌一碌。

今堂係妹妮最後一堂art play班了，因為參加nursery班後已經返兩日學，爸Ｂ話可以skip星期六班等妹妮無咁辛苦噃。

只不過返了兩個月的星期六班（共８堂），已明顯見到妹妮進步。由一開始好驚掂油彩，驚到想喊至而家已經夠大膽一手浸入兜油彩再在畫紙上塗色。

臨走時老師給妹妮簽到貼紙，貼上nose上

妹妮即時搣出來貼返上老師上

四月份勞作，好得意呢！今次大部份都有妹妮份做的。例如填色，公仔眼，口排位都由妹妮貼上的

其實上art play班只短短幾堂都有見到妹妮進步，睇見妹妮由怕到enjoy，真係好開心，可能暑假後再考慮參加過啦。