同妹妮傾偈後便到樓下早餐，呢個英式早餐已經食了幾日，我發覺每一間酒店的早餐都一模一樣，連味道都一樣呢！
跟住出發去outlet!好耐無去過outlet了，以往去親都有所斬獲，唔知今次點呢？
收獲豐富囉！仲買多個喼，因為William話係香港半價，加上去完MINI United掃貨後我們兩個喼都八成滿了，還有法國６日仲要買嘛！
我的收獲都是妹妮的衫仔，自己只有一對鞋。爸Ｂ就有兩套西裝，５，６件恤衫。
返到酒店同事及傳媒朋友都相繼返香港，我們同William，Coffey就明天起行去巴黎。於是今日一齊去大英博物館。
到博物館門口又聞到一陣飄香，經過上次漢堡飽早餐後，大家都覺得‘味過於實’，得陣香味其實食落又無味。不過行過見又有好多洋蔥一齊炒，又好香都忍唔住要試。
食落都係味過於實，都係普通啫
入博物館了，影相比真實宏偉呢，實物好似好細座咋
扮人象
聽聞埃及館同中國館最值得睇，埃及館有好多mummy，仲教埋點做潻！
然後去買今晚opera飛，以為要去lescester square，點知原來係picadilly circus。行到腳仔軟！途經mama mia都full house，希望phantom會有位啦。好野，買到飛了！！！
於是去附迎的‘倫敦扒皇之皇’Angus Steak House。爸Ｂ的朋友早說過這間牛扒好普通，不過食過後反而覺得好過之前食的幾餐，哈哈！
入場了，現場睇opera真係正好多，不過香港的通常超貴，提不起意欲去買飛呢，記得好多年前睇都要成７舊水一張飛（其實係唔捨得）
之前無睇過其他Phantom，不過呢場好好睇呀！
No comments:
Post a Comment