十九個月大喇！

頭髪長了，以前等好耐Ｄ蔭都無長過，而家一陣就長到遮眼。比個頭箍扎起Ｄ蔭，個樣即時變麵飽超人！

於是yayaGigi趁沖涼時幫妹妮修下，yaya話妹妮次次剪髪都好乖，會坐定定唔郁。剪齊蔭個樣女仔好多呢！不過後面Ｄ頭髪一直都無點增長，所以個髪型仍然椰殼狀。見鏡頭就想走埋黎睇相，反而並唔係想影相噃！傻妹，你唔比我影又點有得睇相呢？！

古惑眼

最近鐘意咩手袋去街，落樓下playroom都會咩返個手袋，女仔晒。仲勁鐘意照鏡

有番咁上下大個女，而家妹妮已經可以明白大部份指令同對話了。說話方面可以講簡單句子（約４﹣５個字），‘咪me work work’，‘Daddy邊呢？’等，不過無意思的口嗡嗡就嗡不停，而且可以好似鸚鵡一樣跟住你一句佢一句。

又識因自己想做的事而帶領你去幫佢做，好似想攞一樣物件會先叫你go go，帶你去到目的地，然後便叫抱抱等你抱起佢便攞目標物件嘞！因為返了一個月playgroup，而家叫‘present’便會舉手。

會跳舞，雙手擺頭上團圈跳‘吧Ａ’（ballet)，不過手仔短短好難先互相掂到

仲開始有創意潻！一日無端端同ＢＢ公仔講ＢＢ walk walk然後將ＢＢ打直企要ＢＢ行路，當公仔跌到又打個地下，可能覺得個地下撞親ＢＢ所以地下唔啱呱？

前日更抵死的攞uncle開玩笑，突然將抱住的ＢＢ撥起頭髪，然後指住ＢＢ額頭講Michael! 因為uncle額頭較高，可能成為妹妮認人的一個特徵。在此聲明如果uncle michael見到妹妮有此舉動，唔關我同爸Ｂ事架！

指完後仲哈哈大笑！

今朝去陪跑，爸Ｂ跑步我影相，妹妮居然學人洒太極

太極婆婆把扇都搶埋

今年係妹妮第二個夏天，爸Ｂ今日比妹妮食雪糕，妹妮所食的第一支甜筒就係雀巢drumstick

食到lam lam 脷

去書店就好happy，因為間中有睇barney TV，所以好鐘意barney，仲認得晒ＢＪ（讀成Ｂ仔），baby bop（讀成ＢＢ BA）。入到去見到'巴兒'（barney)同elmo 已經開心到不停叫，爸Ｂ仲買了一本elmo書，開開心心返屋企！

眨下眼妹妮又大一個月了，睇住佢每日都學到新野，有進步，但係咪me心中你永遠都係個大ＢＢ呢！