英，法遊 - DAY 11 巴黎再見

this is our last day in Paris! 今日去理未去的Montmartre區同聖心教堂(Sacré-Cœur).

去之前check out埋酒店, 因為唔知趕唔趕到12點前返到, 行李就keep住晏d先攞, 因為我們8點機, 仲有成大半日玩!

朋友同lonely planet都話Montmartre有好多藝術家在街頭作畫. 搭metro去到Abbesses站一出就見到呢間麵包店, 仲好多人幫襯, 我們又趁熱鬧排埋一份, 順便醫肚.

 

d麵包好新鮮熱辣呀.

沿住Rue du Abbesses行到了一個類似街市地方，有凍肉，有海鮮賣。

小路行已經見到聖心教堂. 今日可能係禮拜日所以好多人.

我們大約跟住lonely planet的步行路線, 無跟足, miss左就算. 因為會行多好多路.

因為位於Montmartre Hill, 可以遠晀巴黎景色

愈來愈近了, 兩邊街都塞滿人

上到教堂了, 有人彈樹琴

個'白色'教堂好大好宏偉呀. 聽講呢個係歐洲唯一的白教堂呀.

好開揚的巴黎景.

之後返去老佛爺諗住掃手信, 點知沿途見商店都關門, 我仲記得明明上網check過星期日關7點架嘛. 點算? 手信都未買, 爸b仲想買個袋返工用潻.

 呢個就係Opera的正門了, 經過咁多日都無入過去. 又無其他要去的景點了, 於是唯有行去食個long lunch啦.

又去多次HIPPO, 今次goat chees carpaccio同tomato tartar with shrimp

因為唔係太餓, 我要了魚, 爸B要了上次的entercote扒, 不過得加大先有貨所以要了加大碼, 諗住慢慢食.

再嘆espresso, 爸b提議不如搵撻草地瞓下覺, 橫掂d鬼佬都周圍瞓. 我便提議去羅浮宮的草地, 不過爸b又嫌遠. 後來睇書見香射麗大道d鋪頭今日會開, 我們又行路去了champs elysees.

行左一陣就返歸執行李去Opera對開的rossibus站搭機場巴士了. 呢班車爆滿，爸Ｂ又蠢唔識幫行李霸位，搞到我全程要啷住雙腳-__-"

 不消半個鐘車程就到, 我們比起飛時間早到3個鐘, 不過做埋退稅, check in 時先知每人只可帶一個喼! 有無搞錯? 去到咁遠只可以帶一個喼? 我們就此被罰98euro呢!!雖然自備了sharp 醒紅白藍，不過都無可能搬到喼。過埋海關都成7點了，在機場買了小小手信便上機了, 又係嗰句, 唔知幾時再黎呢?

去到倫敦轉機,因時差關係仍然係8點幾, 仲有個幾鐘先上機. 居然在heathrow機場有好多野賣, 有harrods, 有prada等名店!! 爸b竟然可以在呢度買到想買的袋, 而且因免稅關係比巴黎仲平!!

英國比法國早天黑, 雖然8點幾, 但係都只係黃昏, 你睇個天幾靚!

已經好耐無去咁長的旅行了，因為多數都係去日本，泰國呢Ｄ近地方。對上一次同家人去美國都成２年多前了！而家有妹妮就更加難走得開咁耐，我自己好鐘意去旅行，又可以有返二人世界，今次去足十一日真係過足癮了，唔知幾時再有下次了。 BYE BYE 歐洲，我會爭取再來探你的！！！