好想寫晒今次遊記，因為以前去旅行都無寫低，而家寫開就可以紀錄低等第時回味！
２９﹣５﹣２００９（FRI 晴）
起身同妹妮傾偈後便去St. Lazar車站搭火車去汎爾賽宮，原來車程好近，半個鐘就到。黎左幾日都無扒手向我們突擊，不過今日有個流浪漢look的中國藉阿伯向我們搭舢，爸Ｂ當然啋佢都傻。大概用euro2.8就買到車飛去Versailles了
用museum pass入宮的而且確好方便，慳返不小排隊時間。Versailles係法國的皇宮，當然要睇下它有幾華麗啦。
入面有好多畫，我們行到１／３突然有警鐘聲要散開人群，於是又要出去重頭排過，好彩好快又入返去。
今次醒了，去拿免費的walking guide，一路行一路聽，去到指定地點按冧把便可以聽到當處的介紹了。
我比較鐘意Versailles多過Louvre，呢度主要參觀皇宮，而Louvre多數係藝術品，又唔識欣賞加上又眼瞓感覺好似沉重一點。你睇每間房Ｄ牆都唔同色架
呢間黃，下間綠，跟住藍，睇下個門口就知
不過它的擺設一點不簡單，你睇呢Ｄ石像，所有細節都好精緻的。好難諗點可以雕到石都有衫的draping效果呢？
出名的鏡宮（Hall of Mirrors）
Versailles外面的大花園以前睇戲都見過，真係好靚好大呀
由花園望返皇宮
之後搭火車出返巴黎，想去旅遊書介紹有玻璃頂可以遠觀鐵塔的餐廳食lunch，不過出到城都成３點，想去的餐廳都休市呀。一落車已經係鐵搭，今日天氣好好，藍天白雲，影相真係好靚呀
個景咁係不斷影多幾張相啦
影完鐵塔相，我細佬話要上到頂先值回票價，但今日頂層close，只有第一，二層是開放所以我們都無上去。加上肚餓，都係心急搵食多Ｄ。於是去另一間旅遊書推介食法式煲仔飯，點知都關埋，無下午茶架咩？於是隨便入一間食算了，本來想食大街的露天餐廳，點知爸Ｂ入錯隔離，間餐廳好似好舊式的...原來係羅馬尼亞餐，不過都是steak，意粉等，而且算好味。
跟住搭車去凱旋門，用埋museum pass上去。行完都唔知有幾多層的旋轉樓梯腳仔軟晒。
上到去都有野睇架，而家就係用幻燈片show凱旋門上的雕像喇，由你控制睇邊個位，個凱旋門模型點光同埋個幻燈片就會show你要睇的位置
再上一層仲有３６０度巴黎景睇，好彩之前無上鐵塔，不過鐵搭頂層比呢度高好多。
離遠都見到聖心教堂呀
參觀完凱旋門我們又再逛附近的香射麗大道
之後又沿住聖安娜街食下行下，其實想坐下，睇下錶，便返酒店唞唞。
因為而家日長夜短，成日個天都好光，唔經唔覺行到返酒店都成６點幾。攤一陣先再出去食飯。今晚到旅遊書介紹的豬店，從酒店行大約２０分鐘，但搭車都無站直接到要行十分鐘於是又再做步兵。
因為已經９點幾，其間都有行錯路，沿途又有條日本街，有好多日本餐廳，我們都有諗過係咪真係要豬呢？不過都行到咁遠，就試下啦
今次揀坐室外
叫了生蠔頭盤，Ｎ４medium size Belon，不果其實好奀
個豬仔腳爸Ｂ話幾好食，不過好小肉，好多軟骨，大量骨膠原，但好漏。
我個牛扒煮得熟了點，加上咁厚，有Ｄ鞋
認住呢隻豬！
今餐盛惠euro90，發覺跟書去的餐廳都唔係間間好食
No comments:
Post a Comment