第一日在法國起身，因為同英國有一個鐘時差，所以可以瞓晏Ｄ先同妹妮傾偈。由於酒店無包早餐（其實英國每朝豐富的英式早餐都食夠了）於是晨早便出外逛順便搵食。
搵過最平早餐，都要euro1.99...就係一杯espresso + 一個牛角飽。
原來巴黎地圖都好易睇，但黎之前見到Ｄ法文街名個腦就自動shut down，而家焗住睇其實都唔難。首先又到酒店附近的食街食早餐，之後盪盪下都行到Louvre了。
到羅浮宮喇！真係好靚呀。
去到羅浮宮附近突然人有三急，一見WC即刻衝入去，原來要收１歐羅！唔怪得個厠所咁靚啦！
因為買了兩日museum pass，而又預計要去理Versailles，所以今日只在外面影下相先。仲有幾日時間，但都無plan過行程，費事用了pass又去唔切Versailles。其實如果對博物館無與趣，淨欣賞外面都好滿足。
靚到飛起！
咁大個水池，梗係要扮悠閑欣賞下啦
跟住沿住Louvre出口行便見到遠處有齊巴黎景點，呢個係Place de la Concorde。已經離遠望到鐵塔，凱旋門等了。
我們就一路行行到香射麗大道了。其實每次同爸Ｂ旅行，我發覺我們都是步兵，永遠都由一站行到另一站，而唔會搭車喎。可能大家都唔想錯過每一個景點呱。
去到Champs Elysees見到好多露天餐廳，我們楝了Bistro Romain，見佢都又好多分店，應該ok 吧。
２ course euro16.99 不過不失吖。我發覺法國人食餐飽都唔用牛油，每次都要問幾次先肯比。可能法國人食野好健康，比起英國的確小好多肥人。
睇下呢個鐘Ｄ兔仔，好特別架！
lunch後沿Rue St. Honore即名店街行，其實亦可以行到返屋企架。你睇Ｄ macacon砌得幾靚，我地都走入去幫襯幾件。
Ｄ蛋糕都好靚
一路行仲經過總統府
無諗過有收穫，不過去到居然有緣買到，仲要係個鬼佬霸住後尾唔要先放返出來，所以買左，大鑊喇！！因為爸Ｂ聽埋Ｄ人講法國治安幾差幾差，又話會埋黎戒袋又搶，所以我地返酒店放低戰利品先。其實一早都叫爸Ｂ唔駛咁驚，我睇好多網友的遊記都無人提過被打刧呀之類，有都係扒手之嘛。今次感覺良好，只不過好似普通一個大城市一樣，治安ＯＫ吖！
又要慳住起碼半年唔可以shopping喇。
唞夠後出街食飯，今晚去網上介紹的餐廳Garnier，在St Lazar車站對面，從我酒店行去都係幾個街口。
我們點了蠔platter
仲有牛扒，不過麻麻地
No comments:
Post a Comment