學生相

今日本來想同妹妮去迪士尼，但又橫風橫雨搞到無得去。於是都出一出街去搵公公飲下午茶。

平時間中都有食下麥記，妹妮通常會食幾條薯條。光臨麥當當都係第一次呀，今次仲自己飲橙汁

啜住唔放

繼舊年妹妮留倩影後都無再幫妹妮影過學生相了，而家用緊一樣那張個樣都唔同晒了！就算幾個月前第一間playgroup都話個樣同真人有異呀。九月來臨，又係報幼稚園季節了，雖然而家讀緊那間學校都幾好，不過又心思思想都試下幾間傳統人氣學校。。。所以又要影過學生相，無理由仲拎呢張吧。

本來都想去返上次那間塵年老店影樓的，不過要揀相再晒要等成個多星期。所以就去Cathy同行行都要專程去影那間照相館影嘞，它就在公公屋企附近，順便影埋。以前都有聽Emily EE話呢間晒相靚，不過我一次都未幫襯過。見有朋友推介就試下啦。

去到話要影學生相，店員已十分識做比隻公仔妹妮。妹妮無喊，不過引極都無大笑噃。

影了廿多張，最後cut淨６張。。。懞咪me事前無問清楚幾錢，揀相時仲諗住要幾張，點知一問先知道原來每款要＄６００！！！！！

其實想要多幾款，我不需要每款一打，只想要一，兩張擺下銀包。不過＄６００/款實在太乸利，最後只要了一款咋。今日我同事仲話成世人讀了幾十年書加埋都未有影到＄６００相喎。　不過的確影得幾好既，入到好學校就抵返啦！（雖然分分鐘我地可能都係留返去而家讀緊呢間）

＊＊＊＊＊＊＊＊

話時話妹妮最近學識包，剪，揼。

仲認得晒手指公至尾指潻！

今日見到有架飛機，就不斷重複講了好多次‘aeroplane...flying...in side(sky)’。而家一上車，仲要即刻聽兒歌！呢隻碟妹妮細個時成日聽，不過自從有barney TV後已經無聽好耐。而家聽返，妹妮居然可以在每一首歌唱完時嗡得出下一首歌！！當然唔係歌名，例如london bridge，B.I.N.G.O. 等重點字眼。又叻左喇！