就快兩歲了！

星期日一早去同公公飲茶，有生日利是收。妹妮仲一邊拎住塊簿牚食到lam lam脷。就快兩歲，而家問妹妮how old are you，佢會答coming to two，好快就可以答TWO了。

去茶樓指定動作係去睇魚魚，之前叫lobster做monster，而家識叫lobster了。

每次出門咪me都覺得妹妮著起衫仔裙仔好可愛，要留影。

最鐘意同爸Ｂ玩飛飛！次次玩親都丫晒口，爸Ｂ話而家妹妮愈來愈重，好快無力再玩。

一早起身突然話daddi buy ice cream，飲完茶去超市，我同妹妮留在車等候時又話daddi buy ice cream，等我立即打電話叫爸Ｂ買雪糕。食雪糕只係食小小，lam 下lam下

傻豬無啦啦用個lego盒笠住自己個頭，話係zoe's hat -_-" 當帽戴，奇在居然又行得到無碰撞。

晏晝表弟來了，仍然大喊十，見人就喊，只有媽咪抱先會收聲。記得妹妮９個月大時好似已經唔再怕人了。難得有張無喊的相。妹妮好似同緊表弟一齊玩iphone咁。

就快兩歲迫埋９個月，妹妮顯得好大個呀。

最近要自己餵自己，你餵她食，她會話mami，eat by yourself。。。應該係myself呀，ＢＢ你幾時先識分you & me，inside 同outside，myself同yourself呢？

個身型成個天線得得Ｂ咁。

今年買了半島奶皇月餅，好味呀！一個人都已食了兩件半！下年要買多盒先得！